VOV4.K’ho - Tàm pơrjum bơcri priă tơnguh bơtàu kơnuh sơnơm Ngọc Linh mờ ală phan lơh sơnơm ndai, UBND càr Kon Tum neh jào kơrnoăt dờp bal broă sền gròi, bơcri priă tơnguh bơtàu phan lơh sơnơm mờ kờp jơh khà rơlao 12 rơbô tơmàn priă.

                                K^ sră nggal lơh broă bal mờ anih lơh sa kă bro lơgar Hàn Quốc

Tàm hơ\, geh 6 rơndăp broă geh jào kơrnoăt ring bal gùng dà bơcri priă tàm gah prăp gàr sơntìl mờ tơnguh bơtàu phan lơh sơnơm; tam biăp, bơkào mờ tam phan lơh sơnơm tàm m[ur chi brê; lơh sa suơn sre công nghệ cao; lơh dà hùc bơh phan lơh sơnơm.

Geh 2 rơndăp broă sền gròi, jòi bơta niam bơcri priă tam kơnuh sơnơm Ngọc Linh mờ phan lơh sơnơm ndai tàm bă ù di gơlan geh ai 5 rơbô lồ.

Kung tàm broă lơh do, UBND càr Kon Tum neh k^ sră kah lơh broă bal mờ 5 công ty lơgar bơdìh tàm ală gah tơnguh bơtàu lơh gơs sơnơm; lơh sơnơm; lơh kloh niam drơng broă lơh sa suơn sre kuơ màng là lơh broă bal mờ anih kơlôi sơnơng kơnuh sơnơm Janam, lơgar Hàn Quốc bè broă lơh uă kơnuh sơnơm bal mờ tơnguh uă bơta kuơ cồng nha bơh kơnuh sơnơm.

Cau mblàng Ndong Brawl