VOV4.K’ho- Tàm “Nhai Ơruh pơnu” nam do, rơnàng kơnòm să Công ty Ồs đèng Dak Lak neh geh uă broă lơh geh kuơ ngan wèt tus tiah pôs đồng kăc mạng mờ tiah nhàr lơgar.

Bơh bồ nhai tơn, Đoàn ơruh pơnu Công ty Ồs đèng Dak Lak neh lam mpồl cau drơng măy mok gam kơnòm să lòt tus tiah nhàr lơgar, dong Pôs đồng ling sền gàr tiah nhàr lơgar Bo-heng gơ wèt Mpồl ling sền gàr tiah nhàr lơgar càr Dak Lak lơh niam wơl ală gùng che đèng tàm dơlam is, crăp pa ală [ong đèng pờ àng đah bơdìh.

Lơh niam wơl đèng

30 nă đoàn viên neh lòt tus thị xã Buôn Hồ nàng tam gơl ală gùng che đèng, lơh niam uă cồng nha drơng broă. Tàm tiah pôs đồng kăc mạng Krông Bông mờ kơnhoàl Ea Kar, đoàn viên ơruh pơnu Công ty lơh broă lơh “Sòl àng bơta pin dờn”, lơh niam wơl ală gùng che đèng ai 60 hìu bơnhă làng bol kòn cau mờ hìu bơnhă ơm is dùl nă să.

Crăp lơh pa wơl đèng

Bi Trần Quốc Việt, Bí thư Đoàn cơ sở Công ty Ồs đèng Dak Lak pà gi\t, jơh ală broă lơh tàm “Nhai Ơruh pơnu” nam do ndrờm wèt tus hờ [òn lơgar, gơcèng broă bơceh lơh loh làng ngan.

Tàm Nhai Ơruh pơnu nam 2018 do, ală broă lơh đoàn ndrờm wèt tus hờ [òn lơgar bè broă lơh “Sòl àng gùng [òn”, lơh gùng che đèng ai ală gơl gùng in, tàm sơm băt tê bal bơ\t bơtàu [òn lơgar pa.

Bè broă lơh “Sòl àng bơta pin dờn”, pah nam Đoàn cơ sở ndrờm lơh bơh 300 tus 500 hìu bơnhă mờ gùng che đèng ờ kơ\ kơl jăp lơngăp lơngai, lơh niam wơl mờ tam gơl [òng đèng che chu ala mờ [ong đèng tềm pềr đèng.

Tơngume bơh nam “Rơnàng kơnòm să bơceh pa” bơh Đoàn ơruh pơnu Dà lơgar dê den lồi nhai Đoàn cơ sỡ yal tơngi\t 2 broă lơh pơnrơ bơh đoàn viên ơruh pơnu dê nàng lòt pơrlòng khà jờng bơceh pa kơnòm să gùt lơgar.

Cau mblàng mờ yal tơngi\t- Lơ Mu K’Yến