VOV4.K’ho- Mờ jơnau đơs “di tŭ yal tơngĭt, di tŭ lơh gơ rề uă, di tŭ tàm tơrbŏ bal”, rơnàng kơnòm să càr Gia Lai neh hòi jà geh uă mpồl cau nàng dong kờl phan bơna gah lơh sơnơm mờ phan bơna kờñ pal geh ai ală tiah ai ơm yah ngài, ală anih gròi sền rcang sơndră kòp Covid-19 mờ làng bol tàm tiah gam geh kòp.

Ală phan ngui sa kờñ pal geh geh ală kơnòm bơsram pơyoa tus tiah lam lài sơndră kòp

Bơh tŭ kòp bơtờp dơ̆ 4 tus tŭ do, ală đoàn viên, ơruh pơnu càr Gia Lai neh hòi jà geh rlau 9 rơbô 800 nơm chèo sơndră gơ prañ dà, rlau 450 rơbô nơm chèu glòm muh mat, phan soh sền gàr să jan gah lơh sơnơm, dà lơh kloh khuẩn, bal mờ uă ngan phan ngui sa kờñ pal geh mờ kờp priă rlau 3 tơmàn 500 tơlak đong. Bơta lam lài, tus bal is bơh rnàng kơnòm să Gia Lai dê tàm tơngai pa do neh dờp geh bơta kờñ jơh nùs ngan bơh uă cau geh nùs nhơm niam nàng kờñ sơm bat tê bal rcang sơndră kòp Covid-19.

Cau mblàng K’Hạnh