VOV4.K’ho – Thủ tướng Chính phủ ki\ rơndap broă bơtàu tơnguh gah cơ khí Việt Nam tus nam 2025, wèt tus nam 2035.

Jơnau kờ` bal, tus nam 2035, gah cơ khí Việt Nam geh bơtàu tơnguh mờ uă ngan ală gah geh công nghệ pa, bơta niam phan lơh gơs tơl khà dunia, tus bal uă rlau tai tàm ròt bơta kuơ gùt plai ù, ngui năng lượng tềm pềr, geh cồng nha, tàm pơr lòng ringbal tàm broă mut gơ rờm bal dunia; mpồl cau lơh broă mờng chài, git lơh jat kơrnuat lơh broă mờ lơh geh cồng nha uă, rơcang lài tàm ală broă kơlôi sơnơng, bơceh lơh, lơh gơlik phan bơna cơ khí, bơh sơn rờp drơng jơnau kờ` phan bơna cơ khí bơh drà kă bro tàm lơgar dê.

                                                  Cau cih mờ yal tơnggit K’Duẩn