VOV.K’ho-Rơndăp broă lơh tơrlòng lài rwah cau kơnòm să geh bồ tơngoh bơsram sră jak dan rê lơh broă is tàm ală xã tus bal bơtàu tơnguh [òn lơgar mờ tiah kơh bơnơm tơngai bơh nam 2013- 2020 đơs lơyah là rơndăp broă lơh 500 ngan ngồn geh lơh bơh nam 2014. Tơnơ\ 3 nam lơh, Rơndăp broă lơh do dong uă tiah bơtàu tơnguh lơh sa- mpồl bơtiàn, bơtơl mpồl kuang bàng kơnă hơđơm in .

Bi Hồ Hoàng Hạnh là cau tàm mpồl Rơndăp broă lơh do, ơm tàm kơnhoàl Duy Xuyên, càr Quảng Nam là dùl tàm ală cau kơ nòm să geh bồ tơngoh bơsram sră jak dan rê lơh broă is tàm ală xã tus bal Rơndăp broă lơh 500.

Ală cau tàm mpồl Rơndăp broă lơh cau kơnòm să geh bồ tơngoh bơsram sră jak  cribơyai bơta mờng chài tơnơ\ 3 nam  rê lơh broă tàm ală xã tiah kal ke uă ngan

Hồ Hoàng Hạnh geh ai lơh broă gah tư pháp mờ hộ tịch tàm xã Đăk Pring, kơnhoàl Nam Giang, càr Quảng Nam. Do là xã kal ke tiah nhàr lơgar. Là dùl nă ùr ơruh gam kơnòm să ngan bơh tàm tiah ring lòt tus tiah kơh bơnơm nàng lơh broă, bi Hạnh tìp uă ngan kal ke tềng đap ală bơhìan mờng quèng bơh yau bơh làng bol kòn cau Ve, Tà Riềng, Jeh Triêng dê. Nàng mhar kis gơrờm bal mờ tiah ơm kis pa, bi Hồ Hoàng Hạnh pal bơsram dà đơs bơh làng bol kòn cau tàm tiah do dê, lùp kờ` gi\t adat bơhiàn bơh yau bơh làng bol dê.

Tơnơ\ 3 nam lơh broă, Hồ Hoàng Hạnh lơh jơh jak ngan kơnòl broă geh jàu mờ sền go\ gơlơh kờ` gơboh ngan mờ kơnhoàl ù tiah do, geh jơnau kơ\p kờ` geh lơh broă jo\ jòng tàm tiah kơnơm do. Bi Hồ Hoàng Hạnh, đơs:  

He là cau kơnòm să geh bồ tơngoh bơsram sră jak, he sùm geh dùl nùs nhơm kờ` bơtàu tơnguh kơnhoàl ù tiah pa, tiah he tus niam bơne\ rlau. Rê tus tàm tiah do den kung lơh ngan lơh jơh jak ngan kơnòl broă geh jàu bè lòt sền bơta gơlik geh ngan ngồn tàm [òn lơgar, tiah làng bol ơm kis.

Kuơ màng jơnau bau gờ` mờ bau mờ cau rềp jơi nòi bal uă ngan, den kung lòt tus tàm [òn sơl, he mblàng yal khi in, den khi kung gi\t geh jơnau hơ\.

Ai bi Bùi Đức Tường, tơnơ\ tu\ lik bơsram geh bằng Cử nhân Kinh tế, Hìu bơsram Đại học Kinh tế [òn dờng Hồ Chí Minh dê kung geh nùs nhơm dan rê lơh broă is tàm xã kềng gah dà lềng Đức Phong, kơnhoàl Mộ Đức, càr Quảng Ngãi.

 Mờ jơnau kơlôi sơnơng: rơnàng kơnòm să ngac ngar duh hồl sơrbac mhar, jơh nùs kờ` pal tă pơgồp, ờ ngòt bòl glar kal ke, Tường sùm lơh ngan lơh jơh jak ngan kơnòl broă geh jàu. Bi Bùi Đức Tường đơs bè do:

Mờ bơta pràn jak bơh he dê rê lơh broă tàm xã, den gi\t wa\ uă rlau pơndrờm mờ ală wa tàm xã bè măy mok là he dong kờl ală wa hơ\ in, ai bè jơnau pơn jat tai nàng lơh jat jơnau kơ\p kờ`, bơta kơlôi sơnơng bơh he dê, dong [òn lơgar, dong làng bol xã Đức Phong bè bơtàu tơnguh lơh sa mờ lơh jơh kơnòl broă bơh he dê. Hơ\ là jơnau mờ bol oh kơ\p kờ` ngan.

Tơnơ\ 3 nam lơh rơndăp broă lơh tơrlòng lài rwah cau kơnòm să geh bồ tơngoh bơsram sră jak dan rê lơh broă is tàm ală xã kal ke, 500 nă cau kơnòm să geh bồ tơngoh bơsram sră jak gơ wèt 34 càr geh ai rê lơh broă tàm ală xã [òn lơgar mờ tiah kơh bơnơm bơh ală càr tàm gùt lơgar dê.

Mpồl cau do tă pơgồp uă ngan tàm broă lơh bơ\t bơtàu [òn lơgar mờ tiah kơh bơnơm, lơh geh mpồl kuang bàng jo\ jòng ai ală tiah kal ke uă ngan in. Ndrờm bè jơh ală cau tàm mpồl ndrờm mhar ngan gi\t jơnau gơlik geh tàm [òn lơgar, lơh niam kơnòl broă geh jàu, ơm kis rềp mềl mờ [òn lơgar.

Bàr pe nă cau tàm mpồl gam khin cha dan geh ală rơndăp broă lơh bơtàu tơnguh lơh sa- mpồl bơtiàn mờ lam lơh geh cồng nha. Ồng Nguyễn Tri, Kuang atbồ Phòng bơ\t bơtàu gơnoar atbồ mờ broă lơh ơruh pơnu, gơ wèt Sở Nội vụ càr Thừa Thiên-Huế, pà gi\t:

Cau tus bal rơndăp broă lơh cau kơnòm să geh bồ tơngoh bơsram sră jak dan rê lơh broă is tàm Thừa Thiên- Huế geh ngan nùs nhơm sơrbac mhar, jơh nùs, dong [òn lơgar in tàm 5 broă: Lơh broă gah ù tiah, kơrnoat boh lam, Văn phòng tơrgùm kờp, gah lơh broă priă jền mờ Niam chài mpồl bơtiàn. Jơh 31 nă cau tàm mpồl ndrờm geh đơs là lơh jơh jak ngan kơnòl broă mờ geh dùl êt nă cau tàm mpồl lơh gơs jak chài ngan kơnòl broă geh jàu.

Tus tu\ do, rlau 200 nă tàm kờp jơh 500 nă cau tàm mpồl tus bal Rơndăp broă lơh do geh tơmu\t Đảng, 141 nă cau tàm mpồl geh kấp ủy, gơnoar atbồ [òn lơgar sền gròi, dong kờl bơto pơlam nàng tơmu\t Đảng. Kuang đơng lam bồ ală tiah đơs niam ngan pràn jak broă lơh, nùs nhơm rài kis bơh ală cau kơnòm să geh bồ tơngoh bơsram sră jak dan rê lơh broă is do dê.

Ồng Vũ Đăng Minh, Vụ trưởng Vụ Lơh broă ơruh pơnu gơ wèt Bộ Nội vụ pà gi\t, jơh ală cau tàm mpồl ndrờm dờp geh bơta dong kờl uă ngan bơh kấp ủy, gơnoar atbồ [òn lơgar mờ làng bol pin dờn kờ` gơboh ngan:

Broă lơh geh pơnrơ ngan bơh rơndăp broă lơh dê là ală cau kơnòm să geh bồ tơngoh bơsram sră jak rê lơh broă tàm xã mờ lơh niam kơnòl broă bơh he dê mờ tă pơgồp uă ngan tàm bơta bơtàu tơnguh lơh sa- mpồl bơtiàn bơh ală tiah dê, tus bal bơ\t bơtàu [òn lơgar pa, tơn jơh jơgloh tơrmù r[ah.

 Mờ bơh tàm lơh broă ngan ngồn, uă ngan cau tàm mpồl neh lơh ngan bơsram tàp, neh tih dờng mờ geh tơmu\t Đảng. Ală cau tàm mpồl neh lơh broă lơh jak ngan mờ tơngo\ geh să tờm he dê.

Jơh nùs, duh hồl, sơrbac mhar, lơh kờ` gi\t mờ kờ` lòng is să tờm, ală cau kơnòm să geh bồ tơngoh bơsram sră jak tus bal tàm Rơndăp broă lơh 500 neh cèng tus nhơm càl pa tàm ală xã tiah kal ke uă ngan in.

 Ală cau bơyô kơnòm să do kơ\p kờ` pơn jat tai bơtàu tơnguh bồ tơngoh jak chài tàm broă lơh ờs mờng, cèng bơta pràn kơnòm să lơh uă broă geh kuơ ai rài kis in, lơh jơh jak ngan kơnòl broă geh jàu tàm ală xã tiah kal ke mờ tiah kơh bơnơm!

Cau cih mờ yal tơngit - Lơ Mu K’Yến