VOV4.K’ho-Tài bơh aniai bơh mìu càl rbu\t dờng sồ 12, càr Daklak neh gơtìp hoàc hươr uă ngan bè kòn bơnus mờ phan bơna, tàm hơ\ Krông Bông là dùl tàm 2 kơnhoàl gơtìp aniai tơn mờ hoàc hươr uă ngan rlau jơh. Tu\ do, gơnoar atbồ kơnhoàl do mờ gah lơh broă geh gơnoar gam lơh ngan dong kờl làng bol sơrlèt gan mờ jơnau gơlời wơl bơh mìu càl rbu\t dờng lơh aniai, gờ` bè ờs wơl rài kis mờ lơh wơl broă lơh sa. Tàm xã tiah sar lơgar ngài Yang Mao tơnơ\ dơ\ mìu càl rbu\t dờng lòt gan, bơta jê sồt gơ ơm wơl.

Geh mat tàm xã tiah sar lơgar ngài Yang Mao, kơnhoàl Krông Bông tơnơ\ dơ\ mìu càl rbu\t dờng sồ 12 neh lòt gan, bol a` sền go\ [òn lơgar rơnhah rơnhơ, tơrlah tơrlơm jơh; mờ jat làng bol dê tàm pơndrờm den kung ờ go\ krơi is mờ rài tam lơh sơl. Ồng Y Phiêu Niê, kis tàm [òn Tar nrơ\t ndơl yal bè do:

“7 jiơ là càl pràn ngan, làng bol ntoăt dô jơh. Bơh rài yau tus tu\ do là dờng ngan rlau jơh, ờ hềt go\ tu\ lơi gơtìp bè do. Rlau mờ rài tam lơh tàm tơngai nam 1968. Phan bơna den kơnrồ kung chơ\t, cau kung chơ\t, iar ada kung gơ dô par jơh tung lơtăng, àu mpha kung gơ puh gơ par jơh jat gùng càl sơl”.

Ai bi H’Thu Niê den mă kòn dềt pa 2 nhai, muăt jrùm kềng đah hìu lơh hơđang pa gơtìp tơrlah tơrlơm jơh, gơhòr dà mat nhìm, nggà dờng hòi yàng, lùp trồ:

“Ơ Yàng, muăt ngan do ơ yàng. Bèp a` pa lơh geh hìu do. Ơm geh 3 nam den hìu gơtìp tơrlah tơrlơm jơh. Ngan mang do là ờ go\ gi\t bi\c tềng tiah lơi. Bè do ngan ngồn là tơngai tus ờ go\ gi\t mbơh ai geh chi nàng lơh wơl. Bơh àng drim tus tu\ jiơ do lời gời ndul soh, ờ go\ hềt sa. Phe, kòi den kung gơtìp sùh jơh sơl, ờ go\ gi\t ai phan lơi nàng sa do tai”.

Tàm dơ\ mìu càl rbu\t dờng sồ 12 do, Yang Mao là xã gơtìp hoàc hươr uă ngan rlau jơh tàm kơnhoàl Krông Bông, càr Daklak dê. Dơ\ mìu càl rbu\t dờng neh lòt gan, lơh rlau 600 nơm hìu gơtìp gơ pồ rơkàng mờ tơrlah tơrlơm jơh, tàm hơ\, mờr 100 nơm hìu gơtìp tơrlah tơrlơm jơh, lơh 1 nă cau chơ\t mờ 4 nă cau ndai gơtìp sồt să.

Tàm [ùi drim mìu càl rbu\t dờng tus tàm bàr pe kơnhoàl gơ ơm tiah đah mat tơngai lik mờ đah jum mat tơngai lik càr, kuang đơng lam bồ Ủy ban Nhân dân càr Daklak neh tus tàm ală tiah gơtìp hoàc hươr uă, tàm hơ\ geh xã Yang Mao, kơnhoàl Krông Bông nàng pơndờm pơnđiang làng bol gơtìp hoàc hươr bè kòn bơnus mờ phan bơna. Mơkung sồr gơnoar atbồ tiah do bal mờ mpồl lơh broă geh gơnoar mhar dong làng bol sơrlèt gan jơnau gơlời wơl bơh mìu càl rbu\t dờng.

Lài mờ tu\ geh Gah đơng lam ling klàng càr Daklak mờ Quân khu 5 dong kờl, Ủy ban Nhân dân kơnhoàl Krông Bông neh ai dùl đại đội ling rơcang gàr is bal mờ ơruh pơnu tàm tiah do tus dong làng bol lơh kloh niam wơl ù tiah [òn lơgar, bơ\t bơtàu ing wơl hìu đam. Bi Y Sam Niê kis tàm [òn Tar, xã Yang Mao, đơs:

“Broă lơi lơh gơtùi den là lơh. Tàm [òn den neh hòi jà jơh ală mpồl cau, bè đah đoàn ơruh pơnu, ling klàng làng bol rơcang gàr is. Đơs bal là tàm [òn cau lơi geh bơta pràn den dong kờl, geh cau den dong kờl ngai lơh broă”.

Tơnơ\ tu\ dơ\ mìu càl rbu\t dờng lòt gan tơn, ồng Nguyễn Hải Ninh, Ủy viên dự khuyết Đảng Dà lơgar mơkung là Phó Chủ tịch Ủy ban Nhân dân càr Daklak kung neh lòt tus xã Yang Mao, kơnhoàl Krông Bông nàng lùp còp, mờ pơndờm pơnđiang ală hìu bơnhă geh cau gơtìp chơ\t mờ sồt să; sồr kấp ủy mờ gơnoar atbồ tiah do bal mờ mpồl lơh broă geh gơnoar mhar dong làng bol sơrlèt gan mờ jơnau gơlời wơl bơh mìu càl rbu\t dờng lơh aniai, gờ` kơ\ kơl jăp rài kis:

“Ủy ban Nhân dân càr mờ kơnhoàl hơ\ sồng kấp ủy gơnoar atbồ tiah do, tàm xã, tàm [òn kung neh sồr jơh nùs mờ di tu\. Ală mpồl cau tàm do pal rơcang ai làng bol in bè anih ơm ing, anih sa ơm kis kloh nàng làng bol kơ\ kơl jăp ing. Tơnơ\ hơ\ bol a` geh tơrgùm kờp gi\t ngan bơta hoàc hươr nàng bơsong tàm tơngai gờ` ngan rlau jơh”.

Mìu càl rbu\t dờng sồ 12 pa do neh lơh aniai tơn mờ lơh hoàc hươr uă ngan gơ wèt mờ càr Daklak. Bè lơh broă sa sươn sre, geh rlau 26.500 lồ chi tam ală bơta gơtìp gơ pừ lề trac jơh mờ ngơr bam tàm dà; 4.800 nơm phan ròng gơtìp dà pơrdô.

Kuơmàng rlau jơh là lơh wơl broă lơh sa. Tàm Krông Bông, bơh jo\ là dùl kơnhoàl kal ke, broă do sơlơ gơ gơs bòl glar ngan. Ồng Huỳnh Bài, Chủ tịch Ủy ban Nhân dân kơnhoàl Krông Bông, mơkung là Kuang atbồ Mpồl đơng lam Rơcang sơndră trồ tiah lơh aniai mờ Jòi sền dong kờl rềs àr kơnhoàl Krông Bông, càr Daklak dê, pà gi\t:

“Tềng đap mat, gơ wèt mờ ală tiah hoàc hươr uă, den bol a` geh dong kờl sơntìl phan tam gơ wèt mờ bàr pe tờm chi tam lơyah ngai nàng làng bol in gơtùi lơh sa mờ sơrlèt gan mờ bơta jơgloh tàm nhai puh pah tàm kàl mìu tus. Bơta dơ\ bàr là pal sền swì wơl ală tiah digơlan gơtìp ngơr bam dà tàm ală nhai lồi nam nàng pleh jơnau hoàc hươr.

Bal mờ hơ\, bol a` geh lam lơh broă lơh rơndăp tăp sèng wơl tờm chi tam phan ròng nàng gơ in dipal mờ bơta trồ tiah, ù tiah tàm tơngai gờ` ngan rlau jơh nàng làng bol in geh tơnhàu drơng tàm rài kis mờ broă lơh sa. Gơ wèt mờ bă ù tam phan gơtìp hoàc hươr, bol a` geh lòt sền đơs wơl, dong làng bol sền gàr wơl mờ gơtùi sền gàr wơl. Bol a` geh sồr tơnguh tai kàl lơh sa nàng lơh bè lơi lơh geh wơl jơh ală phan sa gơtìp hoàc hươr tàm kàl mìu do”.

Cau cih mờ yal tơngi\t- Lơ Mu K’Yến