VOV4.K’ho - Tơnơ\ mờ mìu càl dờng sồ 12 tus, lơh gơbàn hoàc huơr uă ngan tàm càr Dak Lak, mpồl ling neh tus tàm ală tiah gơbàn hoàc huơr uă kờ` dong kờl làng bol tơmù hoàc huơr. Tơnơ\ mờ ală bơnah broă geh lơh mhar tềng đăp măt, mờ gơnoar lơh tòm, mpồl ling càr Dak Lak gam tơngo\ là “Mpồl ling lơh broă, mpồl ling lơh sa” dong kờl làng bol mhar bè ờs wơl rài kis.

-Ơ Đại tá Trương Hồng Quang, geh g^t, tơnơ\ mờ tu\ mìu càl dờng sồ 12 tus mờ lơh gơbàn tơn tus càr Dak Lak, den Đại tá là cau lam bồ tàm mpồl đơng lam rơcang sơndră mờ trồ tiah lơh aniai bal mờ jòi dong klàs cau gơbàn rềs àr càr Dak Lak tus tàm tiah gơbàn aniai uă ngan. Nùs nhơm tơngo\ bơh Đại tá dê bè lơi?

Đại tá Trương Hồng Quang: Tơnơ\ mờ mìu càl dờng lòt gan, a` tus kơnhoàl Mdrăk mờ kơnhoàl Krông Bông, den go\ hìu gơpồ rơkàng ndrờm bè tiah tam lơh ngòt rơngơ\t ngan; hìu gơpồ rơkàng jơh, phan tam ờ jo\ tơngai, tơngời den gơpừ jơh, kòi den mờr tơwès kung gơbàn gơbam dà, kơphe den sơling mờ gơjrùh plai jơh.

A` tus tàm [òn Tuar, xã Yang Mao-do là xã pôs đồng kăc màng he dê, là kơnhoàl Krông Bông den sơlơ hoàc huơr rơlao. 50 hìu gơpồ rơkàng jơh 100%. Làng bol den ờ geh anih ơm. Tềng đăp mờ bơta do, a` sồr ai mơ mpồl ling tus tàm do, cau ling mu\t lơh broă mơ.

-Dan Đại tá pà g^t, mpồl ling neh tus tàm tiah gơbàn lơh ală broă mhar lơi?

Đại tá Trương Hồng Quang: Tu\ mìu càl dờng sồ 12 lòt gan, Mpồl đơng lam ling klàng càr neh ring bal mờ ală mpồl ling tàm ală tiah bơh Bộ, bơh Quân khu mờ mpồl ling tàm tiah hơ\ tơn kờ` tơmù hoàc huơr bơh mìu càl dờng sồ 12 lơh aniai di tu\.

Tềng đăp măt là pal geh sàl lơh ing kờ` gàr niam bơta pràn kơl dang să jan làng bol.

Dơ\ 2 là pal lơh ală gơl gùng lòt gơbàn kòl, kờ` ală mpồl dong kờl tus di tu\.

Dơ\ 3 là he pal ai dà hùc mờ 1 bơnah phan sa neh lơh lài kờ` dong kờl làng bol; sơnơm ling klàng kung geh cèng tus kờ` sơm làng bol in. Làng bol go\ bè hơ\ ngoh rơngăc ngan, gơnoar atbồ tàm hơ\ kung ngoh rơngăc ngan sơl.

Tàm ală tu\ kal ke bè do, den a` go\ rùp rài cau ling wa Hồ tus mờ làng bol, tus mờ tiah ngài di tu\ ngan, mhar ngan mờ geh cồng nha ngan.

-Tơnơ\ mờ 1 poh ai mpồl ling tus dong kờl làng bol tơmù hoàc huơr bơh mìu càl dờng sồ 12 lơh aniai tàm càr Dak Lak, dan Đại tá yal khà broă neh lơh geh?

Đại tá Trương Hồng Quang: Bơh ngai 5 tus ngai 9 nhai 11, mpồl ling bơh Quân khu geh 300 nă kuang bàng, cau ling; mpồl tus bơh mpồl ling càr Dak Lak rơlao 200 nă kuang bàng, cau ling; mpồl ling klàng bal mờ làng bol càr mờ ală kơnhoàl là rolao 3 rơbô nă.

Bol a` neh dong kờl làng bol tơrgùm, pơs wàs geh 971 nơm hìu, 6 hìu bơsram, lơh 5 nơm hìu ing, tơnhào rơlao 4 lồ phan tam mờ pơn diang rơlao 90 nă cau, 19 tấn phan kă bro, pơn diang rơlao 40 nơm phan ròng, lơh niam wơl geh rơlao 16 kơi sồ gùng lòt tàm xã.

Mờ bol a` neh tus còp 1 hìu nhă geh cau gơbàn chơ\t mờ geh dong kờl lam sồr lài ngan; còp mờ pà phan 4 hìu nhă geh cau gơbàn sồt să. Ală bơta tàm tiah hơ\ tus tu\ do neh mờr ring niam. Jăt mờ khà broă lơh lài ngan bơh ală tiah gơbàn hoàc huơr uă bè [òn Tuar, xã Yang Mao mờ xã Cư\ Kroah, kơnhoàl Mdrăk den khà broă bol a` lơh geh di pơgăp 70%.

-Tềng đăp mờ ală hoàc huơr uă ngan bơh mìu càl dờng sồ 12 lơh gơbàn tàm càr Dak Lak, broă tơmù mờ hoàc huơr ờ gơtùi lơh tàm 1 ngai 2 ngai. Bè hơ\, tàm tơngai tus, mpồl ling geh pơn jăt tai tus lơh ală bơnah broă lơi tai?

Đại tá Trương Hồng Quang: Tàm tơngai tus, bol a` bal mờ mpồl ling tus bơh Bộ, bơh Quân khu mờ mpồl ling tàm càr pơn jăt tai dong kờl làng bol lơh gùng lòt, lơh hìu ơm.

Tềng đăp măt là lơh niam wơl broă mpồl bơtiàn, tàm hơ\ uă ngan là hìu bơsram kờ` ală sao in gờ` lòt bơsram wơl mờ dong kờl làng bol tơnhào phan tam, gờ` ring niam ală bơta tàm [òn lơgar.

Thường vụ Đảng uỷ mpồl đơng lam ling klàng bol a` neh cri bơyai mờ ring bal là geh lòt sền tàm [òn lơh 2 hìu nùs nhơm ai cau ling yau là kòn cau geh rài kis kal ke in. Mờ bol a` neh lơh broă mờ gơnoar atbồ xã kờ` lơh 1 gùng che ồs đèng ai [òn Tuar, xã Yang Mao in.

Tu\ do, bol a` neh ai mpồl lam sồr làng bol tus dong kờl làng bol, bơto sồr làng bol tàm broă sơndră mờ kòp bal mờ lam sồr làng bol gờ` ring niam ală bơta.

-Ơi, dan ưn ngài Đại tá!

Cau cih mờ yal tơng^t Ndong Brawl