VOV4.K’ho- Bơh broă dan dùl nă kòn dềt gơtìp mè bèp sang lời nàng rê ròng, tus tu\ do, ồng Đinh Minh Nhật ơm tàm thôn 1, xã Ia H’Lốp, kơnhoàl Cư\ Sê, càr Gialai neh ròng siam sền gàr rlau 70 nă kơnòm dềt, uă ngan mìng là cau kòn tàm tiah do lơm.

Jơh ală sau ndrờm geh rài kis kal ke ngan, sau den gơtìp mè bèp sang lời tơn bơh tu\ pa deh tài bơh gơtìp ờ niam tàm să jan, sau den kòn đời jơh bal mè mờ bèp. Geh sau ồng Nhật dan rê ròng tu\ khi gam là kòn se pa deh, mơya uă sau neh lòt jòi is dan ồng ròng siam sền gàr [à. Bol khi kis bal, sau dờng lơh mi, sau dềt den lơh oh. Tàm sền gàr bal bè oh mi pròc mhàm tờm.

Ồng Nhật ờ go\ pas sơm, dùl nă să ồng ròng bol kòn se, den tàng tus ngai sa tềp ală kòn ròng ồng dê ờ hềt geh tơl àu soh, ờ hềt geh sa hờm. Mơya, jơh ală neh geh soh phan ram, niam mờ geh sa hờm.

Kuơmàng bol khi geh kờ` gơboh mờ dùl nùs nhơm bềng bơta kờ` gơboh kòn bơnus, den tàng dùl bơnah lơi tơrmù [à bơta ờ bơtuah bơtoài, siơ\u siar tài bơh ờ geh bơta kờ` gơboh bơh cau pròc mhàm tờm dê.

Gi\t nđờ jơ\t kơi sồ gùng lă cài, hơ\ sồng gùng lu\ rơđeh bơh tiah tờm kơnhoàl Cư\ Sê, càr Gialai tus tàm xã Ia H’Lốp lòt gan ală sươn kau su dờng ơning ơnàng ngan. Kau su tàm kàl gơjrùh nha neh căt lơngkòt tơlir niam ngan.

Kềng bàr gah gùng, ală gơnru lòng dờng làng bol dê neh dăp lài tềng đap hìu, rơcang ai tu\ tơngai tàm jàu sơnam in, geh chu gơ sa dờng ồs wa\ rò lơngkòt chi pa căt bồ nam pa.

Hìu ồng Đinh Minh Nhật dê gơ ơm tàm bă ù ơnàng ngan jat đah lồi thôn 1 bơh xã Ia H’Lốp dê. Hìu pa lơh gam [ô sơl dà sơng. Ồng Nhật pà gi\t, priă nàng lơh hìu do là rlau 500 tơlak là bơh cau oh tờm bơh ồng dê tăc dùl bă ù, ai ồng in priă jền. Lơh geh hìu niam ngan do, ồng sơlơ iang nùs tai ròng siam sền gàr ală kòn he dê.

Ồng Nhật yal, gùl nam 2006 lài do, nisơna tàm dùl dơ\ lòt tus hờ [òn cau Jrai dê. Tu\ hơ\, [òn gam geh dơ\ ies [ồc dùl nă cau ùr. Bi pa deh kòn den chơ\t. Bơhiàn bơh làng bol tiah do dê là dilah cau ùr den kòn mờ mè chơ\t den kòn hơ\ geh lời chơ\t mờ tơ\p bal mờ mè khai dê. Sền kòn se pa deh rơ\p rlau dùl ngai lơm, gam tă nhơm ờ sô kơ\p bơta chơ\t tus nàng lòt jat bal mờ mè, ồng Nhật neh sơpơ\ bơr mờ dan sau dềt hơ\ nàng rê ròng.

Lài hơ\, a` tồn là, a` dong sau nàng sau ba` gơtìp chơ\t wàn lơm. Đơs ngan là bè hơ\, a` ờ go\ kơlôi là cèng sau nàng rê ròng ờ. Mờ tềng đap rài kis sau dê gơtìp rơcang tơ\p bal mờ mè den a` ờ gơtùi ờ go\ sền den tàng a` neh dong kờl sau.

Cèng sau rê hờ hìu nàng ròng bàr pe ngai, ồng Nhật mong jàu sau ai cau lơi hơ\ in geh nùs nhơm niam rê ròng siam sền gàr. Mơya bè hơ\ sùm ờ go\ gi\t kơnờm mờ cau lơi. Hơ\ sồng ngai nhai lòt gan, ồng mờ khai gơlơh đềt mềr ngan gơlơh bè nùs nhơm bèp mờ kòn dê, ờ gơtùi tam cah is tai.

Ồng Nhật sơnđan mat khai in là Đinh Hồng Phúc. Phúc nam do neh 11 sơnam, bơsram ơdu\ 4. Phúc sơrbac mhar mờ tơryang tơryồng ngan pơndrờm mờ ală bơyô dùl sơnam bal.

Dờp ròng siam sền gàr Phúc di dùl tu\ tơngai ờ jo\ den geh tai dùl nă sau ndai tai, kung nđàc sơngi\t ngan sơl. Dùl nă oh klau dềt pa deh neh gơtìp ờ niam tàm să jan. Bơhiàn bơh làng bol tàm tiah do dê là dilah kòn se pa deh gơtìp ờ niam tàm să jan den geh gơtìp sang lời te\ mờ ờ go\ ròng.

Sau dềt do ờ geh tơr è. Ròng khai ờ go\ git là geh kis halà ờ? Mơya ờ dờp rê ròng den ngan ngồn là sau do gơtìp chơ\t. Ròng Phúc neh kal ke den ròng khai sơlơ kal ke uă ngan rlau. Mơya, ồng Nhật neh ròng geh sau dềt do. Tu\ do, sau neh mờr 10 sơnam.

Bè hơ\ sùm, ngai sơlơ uă sau dềt lòt jòi tus ồng Nhật. Tu\ do, geh tus 72 nă oh. Tàm khà do geh uă sau hìu ơm ngài mờ hìu bơsram, mè bèp r[ah lơ ời ngan den tàng bol khi lòt jòi ồng, dan ồng ròng siam sền gàr mờ ròng lòt bơsram.

Sau Rơ Lan yal, mè bèp sau tàm sang lời, sau ơm mờ mò. Mò r[ah den tàng mìng tơl pràn ai sau in lòt bơsram tus ơdu\ 5 lơm. Pơgăp mờ do 5 nam, mò jun sau tus tàm do dan ồng Nhật ai sau in ơm mờ ồng mờ geh ồng ròng lòt bơsram.

Tu\ do, Rơ Lan neh bơsram ơdu\ 9. Oh ùr dềt muh mat ngac ngar ngan mờ tơryang tơryồng tai. Bơdìh mờ tu\ jiơ lòt bơsram, oh Rơ Lan dong kờl ală oh he dê in uă ngan. Tru\ gơm biăp piang, pìh phan mờ tơn um dà ai ală oh hền in:

Ơi bèp jơh nùs ngan ròng siam mờ sền gàr bol kòn. Bèp sùm sa ờ bơkah bi\c ờ lơ hă tài bơh kơlôi rơcang bol kòn in nàng geh piang sàu àu soh. Bèp bơto bol kòn lơh ală broă niam, lik lòt tàm gùng pal gi\t kun bồ còp să mờ sền dờng màng cau dờng. Tus dờng kòn kờ` ơm tàm do nàng dong bèp ròng siam sền gàr ală oh in.

Mò Lê Thị Ngọc, Kuang atbồ Phòng Lao động, thương binh mờ xã hội kơnhoàl Cư\ Sê, pà gi\t: Kuang đơng lam bồ kơnhòal kung bè anih lơh broă geh gơnoar sền gròi ngan tus hìu bơta nđàc bơh ồng Đinh Minh Nhật dê. Sa tềp do, ală sau tàm do kung geh dờp phan pà bè ală rài kis kal ke tàm tiah ndai tàm kơnhoàl. Gi\t nđờ rhiang phan pà neh geh jun tus ală oh in.

Mò Ngọc kung neh uă dơ\ lòt tus hờ hìu ồng Nhật lùp nàng kờ` gi\t ngan ngồn rài kis bơh tơl nă oh dê nàng geh bơta dong kờl di tu\.

Bơh lòt sền mờ sền swì kờp sền, den geh 4 nă oh tu\ do kòn đời jơh bal mè mờ bèp, 2 nă oh gơtìp kue\t kơlte gơtìp mè bèp sang lời. Phòng Lao động thương binh xã hội kơnhoàl să tờm kờp sền, lơh sră nggal nàng ală oh in geh dờp bơta dong kờl kơnòm kòn đời mờ kơnòm gơtìp kue\t kơlte.

Tu\ do, priă sa pah ngai bơh tơl nă oh dê tàm do geh ồng Nhật tă 10 rbô đong. Ală ngai sa tềp den priă sa tàm ngai tàm jàu sơnam ai ală oh in geh tơnguh tus bàr dơ\. Ngai 24 nhai 12 nam he ai ală oh in geh rê tòm mat mờ hìu bơnhă tờm.

Rlau 30 nă oh dềt ơm wơl mờ ồng, tài bơh bol khi ờ geh cau pròc mhàm tờm tai. Ală oh dềt wa\ rò sơnam pa sa tềp bal mờ ồng, ơm lềr wềl bal wa\ rò sơnam pa chờ hờp.

Ngai 30 sa tềp, jơh ală hìu bơnhă bơtòm tơrgùm măt bal, jơrnum să bal. Ngai 30 sa tềp, tàm thôn 1, xã Ia H’Lốp, kơnhòal Cư\ Sê, càr Gialai kung geh dùl hìu bơnhă, dùl nă bèp mờ rlau 30 nă kòn ròng gơtìp kòn đời mè bèp ơm sa bal tàm dơ\ sa tơngac nam yau bềng bơta kờ` gơboh. Jơh ală oh dùl nùs bal đơs crih bal:

Ờ go\ gi\t tu\ ờ geh mè, bol kòn gơlik bè lơi/ Ờ go\ gi\t tu\ ờ geh mè piang sa `cau tru\ gơm/ Ờ go\ gi\t tu\ ờ geh mè, pah mang bi\c cau ntơ\ ồi kòn in nàng ờ huan mrềt, `cau đơs pơnđiang ai kòn in bi\c lơhă/ Kòn gi\t tu\ ờ geh mè, ờ gam cau lơi đơs lah kòn tai, mơya ờ go\ geh cau lơi sền gàr, ờ go\ geh cau lơi kơlôi tus kòn/ Kòn gi\t tu\ ờ geh mè, ờ go\ geh cau lơi kơnđu kuar kòn tu\ kòn gam muăt jrùm, cau lơi geh kờ` gơboh kòn rlau mờ să tờm/ Ơ mè, kòn dan mè ơm wơl mờ kòn/ Ơ mè, kòn dan mè ơm kis sùm mờ kòn/ Ơ mè kòn ngòt là tu\ tơngai geh ờ go\ gơ ơm wơl/ Kòn mìng kờ` mè geh kis chờ hờp bal mờ kòn lơm gời.

Cau cih mờ yal tơngi\t- Lơ Mu K’Yến