VOV4.K’ho- Tàm hìu duh broă Đảng Dà lơgar dê, Ban Bí thư pơrjum iat yal bè broă lơh mờ cồng nha lam lơh jat Chỉ thị sồ 16 bơh Ban Bí thư dê bè bơyai lơh sa tềp bơhiàn Mậu Tuất 2018.

Tơnơ\ tu\ iat yal tơrgùm jơh mờ jơnau đơs bơh ală Bộ, gah sơnah lơh broă dà lơgar dê, Tổng Bí thư Nguyễn Phú Trọng đơs uă, làng bol gùt lơgar pa wa\ rò sơnam pa sa tềp bơhiàn Mậu Tuất tàm nùs nhơm ram mhu\, chờ hờp, ờdo ờdă, tềm pềr; cèng uă tềl kah niam bơne\.

Cồng nha wa\ rò sơnam pa sa tềp bơhiàn Mậu Tuất neh tơngo\ jơnau kơ\p kờ` Đảng dê, niam nùs làng bol dê, dùl bơta pin dờn tàm bơta pràn bơh jơi bơtiàn dê, tàm broă lơh tam gơl pa, bơ\t bơtàu mờ sền gàr Dà lơgar.

Tổng Bí thư sồr ală mpồl Đảng pơn jat tai lơh jat niam ală tơngume tàm Chỉ thị sồ 16 bơh Ban Bí thư dê. Kuang bàng, cau geh đảng, công chức, viên chức mờ cau lơh broă kờ` pal sơnđờm mu\t lơh broă tơn, tơryăng tơryồng jơh nùs tàm pơrlòng lơh sa, lơh broă geh cồng nha, lơh ngan lơh gơs niam ală kơnòl broă tàm 3 nhai bồ sơnam 2018 dê tơn.

Cau mblàng mờ yal tơngi\t- Lơ Mu K’Yến