VOV4.K’ho- Ală ngai do, jat tiah nhàr lơgar càr Daknông dê, kuang bàng, cau ling Sền gàr tiah nhàr lơgar sơlơ lơh uă tai broă lơh sền gàr gơnoar tờm lơngăp lơngai tiah nhàr lơgar dà lơgar dê, mơkung rơcang bơyai lơh ală broă lơh nhơl chờ hờp bồ sơnam pa mờ sa tềp bal mờ làng bol ală kòn cau tàm tiah nhàr lơgar.

Mơkung bơh hơ\, mpồl ling Sền gàr tiah nhàr lơgar bal mờ kấp ủy, gơnoar atbồ tiah do lơh ală broă lơh geh kuơ ngan, kờ` bơtàu tơnguh lơh sa- mpồl bơtiàn tàm tiah nhàr lơgar.

Ngai lồi nam Đinh Dậu, rơndeh U-oát bơh Gah đơng lam mpồl ling sền gàr tiah nhàr lơgar càr Daknông dê pơndiang bol a` lòt còp tiah nhàr lơgar. Bơh gùng Hồ Chí Minh lòt jat đah mat tơngai mu\t, lòt gan uă sươn kơphê, tiêu mờ chi sa plai, Pôs đồng ling sền gàr tiah nhàr lơgar Mpồng nhàr lơgar Thuận An mpờl tềng đap mat, bal mờ bùng bi pơrhê sơrma` rơmi\t gơ par li\p lơ\p tàm càl khồm pràn tàm gùl ù tiah dờng ơning ơnàng ngan bơh brê bơnơm dê.

Pôs đồng ling sền gàr tiah nhàr lơgar Mpồng nhàr lơgar Thuận An lam lòt sên tiah nhàr lơgar

Ndrờm bè sa tềp neh tus gờ` rlau tàm tiah nhàr lơgar. {làng hìu lơh pôs đồng neh geh bơka niam wơl kloh niam ngan, bal mờ ală pơng gàr mờ chi che neh koh cồng, koh ntê niam ngan, sươn bơkàu, sơvàk bơkàu lơh rùp geh dăp ơn sền niam mat ngan; băng rôn, k[àng cih jơnau đơs “Chờ Đảng, chờ sơnam pa Mậu Tuất”, “Chờ gờm nam pa” yồng ki ngàm ngan bơh mpồng mu\t hờ pôs đồng tus tềng hìu pơrjum mờ jơnang duh khuai Dà lơgar.

Kuơmàng, bơta [ô bơkah mùl go\ ngan bơh sa tềp dê là kơnâm mbar tơlir nha mờ `àng, kơlhô neh gơ [ô jat nhơm càl, lơh geh nùs nhơm ram mhu\ krơi is ngan pơndrờm mờ ngai bè ờs tàm tiah nhàr lơgar du gơnrơh ngan bơh Dà lơgar dê.

Binh nhất Trần Quang Quân, dơ\ sơn rờp sa tềp tàm tiah nhàr lơgar, mờ kơnòl broă “ròng ling” pà gi\t: phan sa, puăc ka biăp sa neh tơl jơh, gi\t nđờ jơ\t nơm kơnrồ, iar ada gi\t nđờ rhiang nơm, 2 wàng sur bal mờ biăp sa geh tơl ală bơta.

Dơ\ sơn rờp sa tềp tàm do den kung geh bơta chờ hờp sơl. Geh oh mi cau ling, kuang bàng, oh mi tàm do. Wa\ rò sơnam pa sa tềp den kung pơs wàs rơndăp tăp sèng pôs đồng, koh băng rôn, lir sră cih jơnau, bơka tờm bơkau mai, bong đèng. Mpồl ơruh pơnu den bơyai lơh tàp pràn să jan, đơs crih tam ya.

Pôs đồng den bơyai lơh coh plai, nhơl bơlai mờ xã Thuận An mờ ală mpồl lơh oh mi bal. Oh kờ` đơs mờ hìu bơnhă là kòn sa tềp tàm do den geh mpồl ling mờ oh mi, gơ\p bơyô ờ go\ di muăt jrùm. Mè bèp ơm tàm hìu sa tềp chờ hờp yơ, pràn kơldang là kòn chờ hờp.

Bal mờ mpồl ling lòt sền bơh Pôs đồng ling sền gàr tiah nhàr lơgar Mpồng nhàr lơgar Thuận An lòt jat dà croh Dak Dam, là gùng nhàr lơgar đah Việt Nam mờ Campuchia, bol a` lòt còp jrong sồ 50/2 (3).

Mpồl ling sền gàr tiah nhàr lơgar càr Daknông lòt sền gàr jrong nhàr lơgar

Thượng tá Nguyễn Xuân Dũng- Chính trị viên bơh pôs đồng dê pà gi\t, bal mờ kơnòl broă atbồ, sền gàr gơl gùng nhàr lơgar jòng 11 kơi sồ, tàm nam 2017 pa do, broă wah ù tiah sơn tơ\p jrong nhàr lơgar neh jơh lơh. Pôs đồng bal mờ mpồl ling sền gàr tiah nhàr lơgar ơm song bal gơ wèt càr Mundulkiri, lơgar Campuchia dê sùm pơgồp bal lòt sền mờ gròi sền.

Di dơ\ sa tềp bơhiàn do, pôs đồng lơgar gơ\p bơyô dê rơcang lòt còp mờ tìp mat lơh quèng tàp pràn să jan, đơs crih tam ya, tơngo\ nùs nhơm “ring lơngai, gi\t gơ\p, lơh broă bal mờ bơtàu tơnguh”.

Gơ wèt mờ ù tiah lơh pôs đồng là xã Thuận An, kơnhoàl Dak Mil, tàm ală nam do, pôs đồng sùm pơgồp bal mờ kấp ủy, gơnoar atbồ xã, lơh uă broă lơh geh kuơ ngan dong làng bol bơtàu tơnguh lơh sa- mpồl bơtiàn, bè: pà 15 nơm kơnrồ ai hìu r[ah in ròng tàm pơdar, dờp dong kờl uă kơ nòm bơsram lòt bơsram mờ dong kờl tơn 2 hìu bơnhă làng bol kòn cau kal ke.

Bồ nam do, pôs đồng neh pờ 2 ơdu\ bơto sră ai cau ờ gi\t sră in, mờ rlau 60 nă cau bơsram ơm tàm 2 [òn Sa Pa mờ Bù Dak tus bal. Thượng tá Nguyễn Xuân Dũng- Chính trị viên Pôs đồng ling sền gàr tiah nhàr lơgar Mpồng nhàr lơgar Thuận An đơs ngan là, dơ\ sa tềp bơhiàn do đơs ngan là tàm tiah do ờ geh hìu lơi jơloh; broă bơyai lơh sa tềp pal chờ hờp chờ hờn mờ ờdo ờdă ngan.

Bol a` pơgồp bal mờ tiah do lòt sền wơl ală hìu bơnhă r[ah, yal mờ gơnoar atbồ ală kơnă dong kờl làng bol, ờ go\ di lời cau lơi gơtìp jơgloh tàm dơ\ sa tềp. Gơ wèt mờ pôs đồng den lam lòt còp ală hìu bơnhă chính sách, còp să pơndờm pơnđiang ală mpồl atbồ sền gàr is tàm tiah nhàr lơgar, ală mpồl atbồ sền gàr is lơngăp lơngai tàm thôn, [òn.

Bol a` ai 5 nă oh mi să tờm tơn lòt sa tềp bal mờ làng bol tàm thôn, [òn. Bơyai lơh mblàng yal lam sồr mờ lơh bàr pe kơnòl broă ndai tàm tiah do, kờ` gàr niam ờdo ờdă lơngăp lơngai ai làng bol in tàm dơ\ sa tềp.

Lồi nam, bulah ờ ru ngan mờ sươn mìr, rơcang wa\ rò sơnam pa sa tềp, mơya tus mang, gal ngan làng bol kòn cau tàm xã Thuận An kung gam tus bal tàm ơdu\ bơto sră ai cau ờ gi\t sră in bơh pôs đồng ling sền gàr tiah nhàr lơgar dê bơyai lơh.

Ơdu\ bơto sră ai cau ờ gi\t sră in

 Ùr bơklau bi Y Nhót mờ H’Rú ơm tàm [òn Sa Pa ndrờm ờ gi\t sră, pal pơyua kòn mờ mò nàng lòt bơsram. Bàr mpàng tê rơdàng kră kơldang jơh, ùr bơklau bi sơm băt kơ\, kơrhia ngan cih jat tơl akhar, ndrờm bè gơlơh bòl rlau mờ jơnau ìa wơu. Bi Y Nhót yal, ùr bơklau bi lòt blơi phan sa tềp ờ gi\t kờp priă jền, blơi phơng ơn kơphê in kung ờ gi\t phơng lơi sơl.

A` ờ gi\t sră là ờ gi\t sơnơm tơm ba, rơcang sơndră kòp kơphê, tiêu in. Bơsram sră nàng gi\t kờp du\ cộng trừ nhân chia nàng geh tu\ he tăc khà do khà ne. Bơsram neh dùl poh do, neh gi\t sồ, akhar mờ gi\t cộng trừ nhân chia.

Ồng Nguyễn Văn Cường, Phó Chủ tịch Ủy ban Nhân dân xã Thuận An, kơnhoàl Dak Mil pà gi\t, nam do bulah priă lơh geh tờm bơh làng bol dê là kơphê mờ tiêu kung gơmù sơl, mơya mờ bơta dong kờl bơh pôs đồng ling sền gàr tiah nhàr lơgar dê, broă sền gròi sa tềp ai làng bol in geh rơcang tơl.

Cau ờ gi\t sră bơsram sră

Bal mờ hơ\, mpồl ling sền gàr tiah nhàr lơgar lơh ală broă lơh dong kờl dong làng bol tơn jơh jơgloh tơrmù r[ah, dong kờl kơnòm lòt bơsram mờ tơn jơh bơta ờ gi\t sră, geh pơgồp bơnah uă ngan nàng nam do xã Thuận An lơh jơh ală broă lơh bơ\t bơtàu [òn lơgar pa.

Mìng is bè broă lơh dong ai làng bol r[ah in sa tềp, tiah do neh pơgồp bal mờ pôs đồng ling sền gàr tiah nhàr lơgar bơyai tơr`a. Tus tu\ do, bol a` hòi jà ală cau dong kờl nàng sền gròi ai làng bol in geh dùl dơ\ sa tềp wil tơl ram mhu\, ờ go\ di lời hi\u dùl nă cau lơi, ờ go\ di lời jơgloh.

Mìng is hìu r[ah mờ mờr ndrờm bè hìu r[ah ndrờm geh phan pà lơm. Geh bơta pơgồp bal bơh pôs đồng ling sền tiah nhàr lơgar mờ Ủy ban Nhân dân xã pờ ơdu\ bơto sră ai cau ờ gi\t sră in. Nàng gàr geh 2 ơdu\ do den kờ` ngan ală oh mi.

Tàm trồ tiah mrềt nuăt niam tàm ală ngai lồi nam, brê bơnơm tiah nhàr lơgar Daknông ndơ\p tàm mhual nhhu\, lơh gơs ù tiah [òn lơgar ram mhu\ mờ ndu gơnrơh ngan tàm tiah nhàr lơgar dà lơgar dê. Tàm do, ală cau ling Sền gàr tiah nhàr lơgar Daknông neh bal mờ làng bol ală kòn cau sa tềp gờ` tàm nùs nhơm chờ hờp, gơboh gơbài.

 Ìa li ơlak bồ sơnam pa bềng nùs nhơm tam klac bal đah ling klàng mờ làng bol, ală cau ling tàm Pôs đồng ling sền gàr tiah nhàr lơgar Mpồng nhàr lơgar Thuận An bal mờ làng bol tàm tiah do mu\t tàm sơnam pa Mậu Tuất, bal mờ bơta jơh nùs gàr kơ\ gơnoar tờm ù tiah lơngăp lơngai tiah nhàr lơgar dà lơgar, tơn jơh jơgloh tơrmù r[ah, tơnguh jơnau gi\t wa\ làng bol in, lơh jơh ală broă lơh bơ\t bơtàu [òn lơgar pa.

Cau cih mờ yal tơngi\t- Lơ Mu K’Yến