VOV4.K’ho- Broă lơh “Sa tềp tơrgùm bơtòm mat” nam 2022 geh bơyai lơh bơ tòm mat 10 rbô hìu bơnhă đoàn viên kông đoàn, kông ñân, cau lơh broă geh rài kis kal ke, ờ gơtùi rê hờ ƀòn tờm wă rò sa tềp, kờp dŭ geh lơh bơh ngai 22/01 tus ngai 27/01/2022. Do là dùl tàm ròt ală broă lơh tàm broă lơh “Kông ñân chờ hờp sa tềp bal mờ ƀòn dờng”. Broă lơh “Sa tềp tơrgùm bơtòm mat” ƀòn dờng Hồ Chí Minh nam 2022 geh lơh tàm ală kông đoàn kấp hơ đơm halà tàm kông đoàn kấp hơđang, gơ jat tàm bơta ngan ngồn mờ ală broă lơh niam chài, đơs crih tamya wă rò sơnam pa, pơgồp bal mờ broă gròi sền, pà phan ai đoàn viên kông đoàn mờ cau lơh broă in. Di tŭ do, Liên đoàn Lao động ƀòn dờng Hồ Chí Minh geh gròi sền ai 1 rbô nă đoàn viên nghiệp đoàn geh rài kis kal ke, tơl nă cau geh pà 1 tơlak đông; bơyai lơh lùp còp, pơn jờng 12 mpồl mờ gròi sền 600 nă cau lơh broă kal ke gơ wèt ală gah lơh sơnơm, rơcang sơndră kòp bơtờp, gàr kloh niam tiah ơm kis.

Cau mblàng K’Duẩn