VOV4.K’ho- Tàm tu\ tơngai jơh gùt Đảng, gùt làng bol he ai bơta pràn tàm pơrlòng rcăng wèt tus Pơrjum dờng cau ala măt gùt lơgar dơ\ 13 bơh Đảng dê, tàm pơrjum kuang bàng gùt lơgar pa do, ồng Nguyễn Phú Trọng Tổng Bí thư, Chủ tịch lơgar, mơkung là Kuang ătbồ Mpồl kuang bàng lơh broă dùl dơ\ tai đơs sùm tus jơnau kuơmàng hơđơm kơ\ den hơđăng hơ\ sồng kơl jăp tàm broă rcăng kuang bàng lơh broă pơrjum dờng nàng lơh gơlik dùl mpồl kuang bàng Ban Chấp hành Dà lơgar, Bộ Chính trị, Ban Bí thư ngan ngồn wa\ wờng bal, tam klăc bal, dùl nùs bal, geh bơta pràn lam dà lơgar pơn jăt tai bơtàu tơnguh kơ\ kơl jăp tàm tơngai tus.

Gơlik bơh gơnoar broă, anih kuơmàng bơh kuang bàng dê mờ bơh bơta mờng chài ngan ngồn li la ngan tàm rài kis lơh broă bơh he dê, Chủ tịch Hồ Chí Minh neh geh jơnau đơs tơrgùm jơh wơl bè do “Kuang bàng là ală cau cèng gùng dà broă lơh bơh Đảng, bơh Chính phủ dê mblàng yal lơh loh ai làng bol in gi\t wa\ loh làng mờ lơh jăt. Mơkung cèng broă bơh làng bol dê yal mờ Đảng, mờ Chính phủ in gi\t loh, nàng ơn gùng dà broă lơh gơ in di, den tàng bè hơ\, kuang bàng là bơta tờm bơh jơh ală broă dê”.

Tàm càr Lạng Sơn, bơsram mờ lơh jăt Chỉ thị sồ 35 bơh Bộ Chính trị dê bè pơrjum dờng Đảng bộ ală kấp wèt tus Pơrjum dờng cau ala măt gùt lơgar dơ\ 13 bơh Đảng dê, tàm ală broă rcăng ai pơrjum dờng Đảng ală kấp in den broă rcăng kuang bàng lơh broă ai kấp ủy khoá pa in là kơnòl broă geh Ban Thường vụ Tỉnh ủy sền gròi ngan, jăt tàm bơta wa\ wờng jrô jơnau đơs “kuang bàng là bơta tờm bơh jơh ală broă dê”, ồng Triệu Văn Quân, Phó Kuang ătbồ Mpồl Bơyai broă Tỉnh ủy Lạng Sơn pà gi\t, broă lơh kuang bàng lơh broă bơh càr dê ờ go\ di là tus tu\ do den hơ\ sồng rơcăng ờ mờ neh geh sền gròi tàm jơh gùt tơngai lơh broă tơn. Jăt tàm bơta rcăng lài kuang bàng pah nam ndrờm tam gơl bơtơl, tàm hơ\ sền dờng màng khà kuang bàng là cau ùr, cau kòn cau yờ tơngguh gơnoar broă bơh mpồl Đảng dê, pleh bơchềt bơchòt, khăt bài lơh, ba` lời gơmu\t tàm mpồl kuang bàng ală cau ờ lơh geh tơl khà, ờ tơl bồ tơngoh jak, ờ geh nùs nhơm niam.

 Ồng Triệu Văn Quân, đơs: Bè rơndăp tăp sèng tơl khà ală jơnau sồr jăt Chỉ thị sồ 35 bơh Bộ Chính trị dê, den bơta kờp bal bơh càr dê tàm ală nam rềp ndo sùm geh mpồl kuang bàng gam kơnòm să jăt di Jơnau sồr sồ 105 bơh Bộ Chính trị dê bè tam pà kấp ătbồ kuang bàng geh càr lơh jăt niam tàm hơ\ sền dờng màng broă lơh bơto tề lam kuang bàng tàm pơn jăt jơng.

Dùl bơta kuơmàng ngan, kấp ủy ală kấp pal gi\t nền hơ\ là tàm broă lơh kuang bàng pal lơh jăt ală bơta pal jăt Đảng dê, pal geh bơta đơng lam tơrgùm bal, ring bal bơh kấp ủy, mpồl đảng, mpồl cau bal đơng lam geh gơnăp gơnoar, yờ tơnguh gơnoar broă, kơnòl broă lơh krơh bơh mpồl kuang bàng đơng lam dê, ngan là cau lam bồ kấp ủy, mpồl đảng mờ kuang bàng lơh broă dong broă bè bơyai broă, kuang bàng, pal lơh geh nùs nhơm làng bol lơh tờm, song dơ pă loh làng, ờ ndơ\p mpồn, yờ tơngguh kơnòl cau dùl nă să is dê tàm cribơyai mờ lơh nền jăt uă cau.

Jăt ồng Nguyễn Phú Trọng, Tổng Bí thư, Chủ tịch lơgar đơs, broă lơh kuang bàng lơh gơnoar broă tờm ngan tàm broă lơh bơ\t bơtàu Đảng, là bơta tàm bơrkuăt kuơmàng ngan tàm jơh ală broă lơh bơh Đảng dê, lơh nền bơta jai halà ờ jai bơh kăc màng dê. Kuang bàng là bơta tờm bơh jơh ală broă dê, rbô broă lơh gơtùi halà ờ ndrờm bơh kuang bàng lơm.

Tu\ do, bal mờ broă rcăng mờ bơyai lơh pơrjum dờng đảng bộ ală kấp, Đảng he gam rcăng Pơrjum dờng cau ala măt gùt lơgar dơ\ 13. Ngan tài bè hơ\, rcăng kuang bàng lơh broă Pơrjum dờng dơ\ 13 bơh Đảng dê là rcăng kuang bàng Ban Chấp hành Dà lơgar, Bộ Chính trị, Ban Bí thư, Kuang bàng tờm, ngan là cau lam bồ, dilah sac rwah di cau den dà lơgar bơtàu tơnguh, làng bol geh kơnờm.

 Tổng Bí thư, Chủ tịch lơgar ồng Nguyễn Phú Trọng đơs: Dơ\ do tu\ pal đơs sùm kơnòl bơh cau yal tơngi\t, cau sồr khăt cih lời wơl tềl là ring bal cau lơi mờ cau lơi halà tơnggo\ nùs nhơm jơnau đơs bơh he dê yal tơngi\t bơh hơ\ kung gi\t geh cau hơ\. A` yal tơngi\t ồng A, a` yal tơngi\t ồng B, là sền bi sền bi bè lơi, cau quèng halà pà phan bơna mờ rềp mềl tai, roăt nùs roăt tồr ai bàr pe jơnau kờ` yal tơngi\t, bi đơs tơn tàm do sền tìs di hơ\ lơh broă dòn song, jơh nùs ngan, ôi klau do ờ geh yal tơngi\t, mờ bơh tàm broă yal tơngi\t bơh sơnrờp tơn, ờ go\ jơh nùs jơh tồr, ờ song dơ pă, loh làng. Bơta do, digơlan ngan ngồn tàm rài kis ờ go\ di là ờ geh ờ, ờ hềt khin đơs là đah ne kờ` gơboh halà ờ kờ`, dilah ờ gi\t den ờ bè đơs, broă do kung kuơmàng yal tơngi\t bơh sơnrờp. 

Tàm bơta geh ngan pà go\, tơngai lài, dùl ròt kuang bàng kấp dờng màng, tàm hơ\ geh bal ală kuang bàng tờm ngan bơh Dà lơgar dê lơh tìs kơrnoat boh lam. Tềng đăp bơta do, jăt ồng Lê Quang Thưởng, lài do là Phó Kuang ătbồ Mpồl Bơyai broă Dà lơgar dê đơs bè do, ală Bộ, ngành, mờ ală tiah pal bơsram mờ lơh jăt jrô ơnàng nùs nhơm “Sac rwah ală kuang bàng- Hơđơm kơ\ den hơđang hơ\ sồng kơl jăp” bơh ồng Nguyễn Phú Trọng, Tổng Bí thư, Chủ tịch lơgar dê nàng sền gròi kơlôi rcăng yal tơngi\t mpồl kuang bàng tàm pơn jăt geh tơl bồ tơngoh jak, tơl nùs nhơm niam.

Ồng Lê Quang Thưởng, đơs bè do: Jăt a` den ală gah, ală tiah pal pơn jăt tai bơsram, kơlôi sơnơng jrô ơnàng, gi\t nền tơl khà sac rwah kuang bàng neh geh Ban Chấp hành Dà lơgar ai tơlik tàm tơngai lài nàng ngac ngar àng sơrdah sac rwah cau jak, geh tơl khà pleh nùs nhơm êt sơ ềl [òn lơgar bơta kuơ mpồl tàm broă sac rwah kuang bàng lơh broă den hơ\ sồng lơh geh bơta song dơ pă, loh làng, ờ ndơ\p mpồn, làng bol lơh tờm tàm Pơrjum dờng.

Ai jăt Phó Giáo sư, Tiến sĩ ồng Nguyễn Trọng Phúc lài do là Kuang ătbồ Viện Lịch sử Đảng, Học viện Chính trị Dà lơgar Hồ Chí Minh dê den đơs là, den bơh jơnau đơs bơh ồng Nguyễn Phú Trọng, Tổng Bí thư, Chủ tịch lơgar dê tàm pơrjum dờng kuang bàng gùt lơgar sơlơ pà go\ Đảng he sền dờng màng ngan broă lơh kuang bàng, tài bơh do là broă tờm kuơmàng bơh broă tờm kuơmàng dê. Ồng Nguyễn Trọng Phúc đơs: Nùs nhơm hơ\, jăt a` den pal bơsram, kơlôi sơnơng jrô ơnàng rlau bơh tu\ do tus dì tu\ Pơrjum dờng nàng sac rwah kuang bàng mu\t lơh broă tàm anih lơh broă đơng lam ală kấp, hơ\ là Pơrjum dờng Đảng bộ ală kấp nàng sac rwah bè lơi gơ in di, nàng bơh hơ\ wèt tus sac rwah tơmu\t lơh broă tàm Dà lơgar Pơrjum dờng dơ\ 13. Nùs nhơm Tổng Bí thư dê sùm sùm tơngkah, hơ\ là ờ go\ di lời gơmu\t tàm ală anih lơh broă đơng lam Đảng dê, hơ\ là kấp dà lơgar, ală cau mờ ờ go\ dipal.

Pơrjum dờng cau ala măt gùt lơgar dơ\ 13 bơh Đảng dê geh lơh tàm tơngai kuơmàng ngan, là tu\ tơngai geh bơta kuơ pơlam gùng rài tơnơ\ do, lơh hô ai jơh gùt Đảng, gùt làng bol, gùt ling klàng in pơn jăt tai broă lơh tam gơl pa, bơ\t bơtàu dà lơgar pas sơm pràn kơldang, làng bol lơh tờm, ring bal, jak chài, ngan tài bè hơ\ broă ală kấp ală gah pal lơh niam ngan broă lơh kuang bàng lơh broă jăt tàm nùs nhơm jơnau sồr bơh Đảng Dà lơgar dê mờ ală jơnau đơs tă pơgồp jơh nùs bơh Tổng Bí thư, Chủ tịch lơgar ồng Nguyễn Phú Trọng dê, bal mờ bơta dùl nùs bal gròi sền bơh làng bol dê geh pơgồp bơnah bơyai lơh geh cồng nha Pơrjum dờng cau ala măt gùt lơgar dơ\ 13 bơh Đảng dê.

Cau cih Văn Hiếu- Cau mblàng Lơ Mu K’Yến