VOV4.K’ho - Mang ngai 11 nhai 2, hơ\ là ngai 26 nhai 12 jăt tơngai àng kơnhai tàm [òn Tăng, xã Ia O, kơnhoàl Ia Grai, càr Gia Lai, Binh đoàn 15 gơwèt Bộ Quốc phòng bơyai mu\t lơh broă “Ngai chờ mbar tơlir – Chờ satềp ling klàng mờ làng bol”. Do là 1 tàm ală broă lơh chờ satềp tus mờ [òn lơgar bơh Binh đoàn 15 dê di tàm satềp Mậu Tuất 2018 do.

Mho ngai 26 nhai 12 jăt tơngai àng kơnhai, tàm [làng coh plai xã Ia O, kơnhoàl Ia Grai neh bơyai lơh wă rò nam pa satềp. Làng bol ală kòn cau tàm do bal mờ kuang bàng, cau ling mờ cau lơh broă sa priă nhai Binh đoàn 15 dê bơyai lơh satềp tam klăc.

Kra [òn Ksor Thin, kis tàm [òn 1, xã Ia O pà g^t, mờ làng bol kis tàm do, mbar neh đềt mềr ngan mờ rài kis, mơta tàm ală ngai satềp den ờ hoan geh cau kờ` klơm. Tus chờ satềp den cau ling neh rơcang lài jơh ală phan kờ` klơm mbar. Ală cau ling klơm mbar mhar ngan, hơ\ sồng tơnơ\ mờ hơ\ klơm lơyài wơl kờ` bơto sồr làng bol tàm tiah do in g^t bè broă klơm mbar, mblàng tai bè bơhiàn klơm mbar kờ` làng bol in g^t bơta kuơ bơh ngai satềp.

Mờ kra [òn Ksor Thin kung bè làng bol tàm xã tiah nhàr dà lơgar Ia O do, satềp bè hơ\ là geh tam klăc đềt mềr bal bơh ling klàng mờ làng bol:

-A` chờ hờp ngan tu\ geh tus bal ngai chờ klơm mbar tơlir bal mờ cau ling Binh đoàn 15. Tus tu\ do, a` mờ ală làng bol geh bơsram broă klơm mbar, geh chờ satềp bal mờ cau ling.

Satềp bè do là chờ ngan, geh kuơ màng ngan. A` geh lơh ngan lam sồr làng bol tam klăc bal, đềt mềr bal, tơnguh bơtàu lơh sa, kờ` tiah nhàr dà lơgar do sơlơ ngai sơlơ ngai sơlơ tơnguh bơtàu.

Broă cau ling tus bal wă rò nam pa satềp mờ làng bol tàm xã neh gơs 1 bơhiàn ờs mờng tàm xã tiah nhàr dà lơgar Ia O do. Ală cau ling lơh broă sa pơgồp bal mờ broă sền gàr bơta lơngăp lơngai tàm tiah nhàr dà lơgar do sùm ờ su\k kờ` lơh bè lơi pah dơ\ satềp làng bol kis tàm do sơlơ hờm ram.

Mìng is tàm ngai chờ “Mbar tơlir – Chờ satềp ling klàng bal mờ làng bol” geh Binh đoàn 15 bơyai lơh neh geh ală broă lơh bè: pơlòng klơm mờ tru\ mbar, pơlòng lơh sàl niam, pơlòng ală broă nhơl ờs mờng, bơyai lơh đơs crih tamya, mang chu ồs gơru dờng “Pơn đàng nùs nhơm kơ\p kờ`”, tìp nhơl bơlai bal; bơyai lơh còp să, pà phan ală hìu nhă làng bol geh rài kis kal ke tàm xã.

Thiếu tá Nguyễn Ngọc Đức, atbồ mpồl 18, Công ty 715, Binh đoàn 15 pà g^t, bi neh 20 nam đềt mềr mờ làng bol tàm tiah nhàr dà lơgar Tây Nguyên. Bơh ală dơ\ satềp chờ hờp, nùs nhơm tam klăc bal ling klàng bal mờ làng bol sơlơ đềt mềr rơlao:

-A` neh 20 nam kis tàm tiah nhàr dà lơgar do wă rò nam pa satềp mờ làng bol. A` gơlơh bal mờ làng bol bè cau tàm hìu nhă tòm, bơh ală dơ\ satềp bơyai lơh bè do, den chờ hờp mờ đềt mềr ngan.

Broă bơyai lơh satềp bơh ală kuang bàng, cau ling tàm mpồl ling bal mờ làng bol tàm ală xã jăt gah gùng nhàr dà lơgar Tây Nguyên mòng geh làng bol sơnđan là “Satềp tam klăc tàm [òn lơgar”.

Gơwèt mờ Binh đoàn 15, satềp Mậu Tuất 2018 do tàm ală mpồl ling gam lơh kơnòl lơh sa mờ sền gàr bơta lơngăp lơngai dà lơgar tàm tiah nhàr dà lơgar ală càr Tây Nguyên ndrờm lơh satềp bal mờ làng bol.

Do là broă lam sồr làng bol geh kuơ màng ngan, tơl^k loh nùs nhơm tam klăc bal ling klàng mờ làng bol. Trung tá Hà Trọng Bảo, atbồ Công ty 715, Binh đoàn 15 pà g^t, jăt nam nhai, ală satềp bè do geh lơh niam rơlao tai nùs nhơm tam klăc bal ling klàng mờ làng bol, bơ\t bơtàu tiah nhàr dà lơgar ring niam mờ tơnguh bơtàu:

-Bơh ală broă lơh bè do, bol a` kơ\p kờ` ngan pơn jăt tai dờp geh broă kờ` bal, dong kờl bal bơh gơnoar atbồ xã kung bè làng bol ală kòn cau tàm kơnhoàl. Kờ` bơh tu\ hơ\, nùs nhơm tam klăc bal ling klàng mờ làng bol tàm xã sơlơ ngai sơlơ đềt mềr.

Kuơ màng ngan, là bơ\t bơtàu broă lơh sa sơlơ ngai sơlơ tơnguh bơtàu, bơta lơngăp lơngai chính trị sơlơ ngai sơlơ geh niam. Di tàm bồ nam pa Mậu Tuất, ala măt Đảng uỷ, mpồl atbồ Công ty, dan pơyoa tus làng bol ală kòn cau tàm tiah công ty lơh broă jơnau còp să, kơ\p kờ` làng bol tàm nam pa tìp uă bơta bơtoah, hìu nhă gơboh gơbài, pas gơs mờ niam bơne\.

Tàm tiah nhàr dà lơgar Tây Nguyên, nam pa Mậu Tuất 2018 gam tus mờ tơl hìu, tơl [òn.

Tàm do, nùs nhơm tam klăc bal ling klàng bal mờ làng bol gam sơlơ ngai sơlơ đềt mềr jăt nam jăt nhai, dong kờl broă lơh sa mpồl bơtiàn sơlơ ngai sơlơ tơnguh bơtàu, ring niam broă sền gàr bơta lơngăp lơngai dà lơgar geh kơl jăp.

Mờ ală satềp tam klăc ling klàng bal mờ làng bol sơlơ ngai sơlơ lơh niam bơne\ rơlao tai ngai satềp tàm tiah đah măt tơngai mu\t dà lơgar dê.

Cau cih mờ yal tơng^t Ndong Brawl