VOV4.K’ho - Mpồl kuang bàng sền gròi bơh Ủy ban Mặt trận dà lơgar Việt Nam lơh broă mờ UBND càr Gialai bè broă lơh jat adat boh lam bè wă làng bol mờ bơsong yal yă, yal khài tàm càr. Jat jơnau yal, bơh nam 2017 tus tu\ do, ală tiah mờ ală gah, mpồl lơh broă tàm càr Gialai neh lơh rlau 5 rbô dơ\ wă làng bol. Càr neh dờp mờr 2 rbô 800 sră yal yă, yal khài mờ sră dan, uă ngan gơ rềng tus 3 gah là: hành chính, tư pháp mờ lơh jat kơrnuat lơh glài tìs dân sự.

Bơh nhai 8 nam lài, broă wă làng bol geh UBND càr Gialai tam gơl pa; mut lơh bal mờ Mpồl Kuang bàng Quốc hội mờ HĐND càr jat tơngai pơrgon 1 nhai 1 dơ\. Càr neh bơsong mờr 200 sră yal yă, yal khài; neh đơs pơn dut broă lơh tìs mờ dan ai wơl phan bơna, priă jền tă dia dà lơgar in rlau 1 tơmàn priă. Bulah bè hơ\, kung gam ờ hềt geh tiah, gah, mpồl lơh broă lơi tàm Gialai ngui phần mềm dữ liệu dà lơgar bè lah yă kờ` tam cah is, sền gròi broă bơsong. Kuang đơng lam uă mpồl lơh broă ờ hềt lơh jat niam jơnau sồr wă làng bol 2 dơ\ tàm 1 nhai.

              Cau cih mờ yal tơnggit K’Duẩn