VOV4.K’ho - Mho òr (19/03), Phó Chủ tịch Quốc hội ồng Phùng Quốc Hiển, kuang geh jơng tàm mpồl duh broă tĕ khà dà lơgar bal mờ mpồl kuang bàng lơh broă neh lơh broă mờ càr Quảng Trị bè broă tĕ khà Quốc hội khoă 15 mờ kuang bàng HĐND ală cấp tơngai bơh nam 2021 tus 2026.

Tus tŭ do, UBND càr Quảng Trị neh crơng gơs 2 mpồl tĕ khà Quốc hội khoă 15 mờ 16 mpồl tĕ khà HĐND càr tơngai bơh nam 2021 tus 2026; crơng gơs 74 mpồl tĕ khà kuang bàng HĐND cấp kơnhoàl mờ 834 mpồl tĕ khà HĐND cấp xã. Broă cri bơyai, yal cau tơlĭk măt tĕ khà geh lơh di jăt mờ broă geh ai, di broă ai geh mờ tơl niam kơrnoăt tàm adăt boh lam dê.

Tus tŭ do, Uỷ ban mặt trận dà lơgar Việt Nam càr Quảng Trị neh lơh gơs pơrjum cri bơyai dơ̆ 2 ring bal khà măt ing 9 nă cau geh tơlĭk măt tĕ khà kuang bàng Quốc hội khoă 15 tàm càr do, 90 nă kuang bàng tơlĭk măt tĕ khà HĐND càr khoă 13 tơngai lơh broă bơh nam 2021 tus 2026. Phó Chủ tịch Quốc hội ồng Phùng Quốc Hiển sồr càr Quảng Trị bơ̆t bơtàu geh khà măt ing ală cau tơlĭk măt tĕ khà jơkah. Bơ̆t bơtàu gùng dà broă lơh di tŭ bơsong ală bơta kal ke di gơlah gơtìp bè rềs àr, kòp Covid-19... bơh tŭ do tus ngai tĕ khà.

Cau mblàng Ndong Brawl