VOV4.K’ho- Đơs mờ cau lơh ƀăo, Bộ trưởng Bộ Tài chính ồng Hồ Đức Phớc pà gĭt, gam sền swì, tă pơgồp jơnau đơs mờ kấp geh gơnăp gơnoar in bàr pe bơnah priă dong kờl mpồl lơh sa kă bro, dong gơguh lơh sa. Tàm hơ̆, geh sền swì bơnah priă bơh 10 rbô tus 20 rbô tơmàn đong dong kờl priă cồng ai mpồl lơh sa kă bro in. Bal mờ hơ̆, gơtùi lơh gơs công trái, trái phiếu. Jăt Bộ trưởng Bộ Tài chính ồng Hồ Đức Phớc đơs, tàm tơngai tŭ do, nàng ai tơlik bàr pe bơnah priă dong kờl, gơtùi dờp broă tă uă ir kes priă gơguh tai.

Mơya, tŭ rài lơh sa neh gơ lòt mŭt tàm bơta kơ̆ kơl jăp mờ bơtàu tơnguh, geh gơmù khà tă uă ir kes priă. Lài hơ̆, Kuang ătbồ Ủy ban Priă jền mờ Kes priă Quốc hội dê ồng Nguyễn Phú Cường pà gĭt, Chính phủ gam lơh broă lơh tơrgùm jơh ală bơta bè bơtàu tơnguh wơl lơh sa, bal mờ ală bơnah priă gơ hòi gơ jà, dong kờl rài lơh sa nàng tơngai tus jun yal mờ Quốc hội in. Jăt ồng Nguyễn Phú Cường đơs, ală bơnah priă dong kờl, gơhòi gơ jà lơh sa mờ Chính phủ lơh pal di uă nàng bơtàu tơnguh wơl rài lơh sa; broă lơh lam lơh jăt gơ jăt bal mờ bơta tŭ do mờ bơta lơh jăt pal ƀươn ai làng bol mờ mpồl lơh sa kă bro dờp kuơ in.

Cau mblàng Lơ Mu K’Yến