VOV4.K’ho- Phó Thủ tướng Thường trực ồng Phạm Bình Minh pa geh sră nggal sồr Bộ Giao thông Vận tải đơng lam, pơgồp bal mờ Ủy ban ờdo ờdă gùng lòt dà lơgar mhar kờp sền, yal Thủ tướng Chính phủ in pồ tơl kuang bàng geh jơng tàm Ủy ban ờdo ờdă gùng lòt dà lơgar; mờ kung sồr Mpồl ờdo ờdă gùng lòt ală tiah mhar kờp sền, pồ tơl kuang bàng jat gơnoar broă kờñ lơh jat jơnau sồr tàm broă lơh gàr niam ờdo ờdă gùng lòt tàm tŭ tơngai pa.

Phó Thủ tướng sồr Bộ Kuang àng đơng lam Kuang àng ală mpồl, ală tiah pơn jat tai sơlơ tơnguh broă lòt sền, sền sơ wì mờ lơh glài broă lơh tìs bè ờdo ờdă gùng lòt gơ jat bal mờ jơnau sồr bè rơcang sơndră kòp Covid-19; tơngkah ờ lời gơlik geh kòl gùng lòt tàm ală anih sền gròi kòp lơh gơ rềng tus broă pơndiang phan bơna mờ broă lòt rê bơh làng bol dê, tơnguh jơnau pơhìn lơh bơtờp kòp.

Cau mblàng K’Duẩn