VOV4.K’ho-Tàm dơ\ lòt lơh broă tàm lơgar Nga bơh ngai 28-31/10, ồng Trịnh Đình Dũng, Phó Thủ tướng Chính phủ bal mờ ồng Maksim Akimov, Phó Thủ tướng Chính phủ lơgar Nga neh đơng lam bal dơ\ Pơrjum dơ\ 21 Ủy ban liên Chính phủ Việt Nam mờ Nga bè lơh broă bal lơh sa- kă bro mờ jak chài- măy mok.

Bàr đah đơs niam ngan lơh broă bal lơh sa, kă bro mờ bơcri priă đah Việt Nam mờ Nga bơtàu tơnguh nhhap nhhar ngan tàm tơngai lài bal mờ broă lơh jat geh cồng nha Hiệp định kă bro khat gơboh Việt Nam mờ Mpồl tam klac bal lơh sa châu Á mờ châu Âu (mờ Nga là lơgar tàm mpồl).

Jat mờ hơ\, priă geh bơh kă bro đah Việt Nam mờ Nga neh geh 3 tơmàn 550 tơlak dolar Mỹ tàm nam 2017. Priă geh bơh kă bro đah 2 lơgar tàm 9 nhai nam do dê geh 3 tơmàn 400 tơlak dolar Mỹ.

Lơh broă bal bơcri priă đah 2 lơgar pơn jat tai geh rề ơnàng, kuơmàng mờ ală rơndăp broă lơh bơcri priă dờng bơh Việt Nam dê tus lơgar Nga. Bàr đah neh tơrgùm cribơyai bè ală broă lơh ngan ngồn nàng kờ` sơlơ tơnguh tai lơh broă bal đah Việt Nam mờ Nga tàm tu\ tơngai kăc mạng công nghiệp 4.0, kuơmàng bè kă bro mờ bơcri priă, măy mok yal tơngi\t jơnau, phan bơna gùng lòt pơndiang phan, priă jền mờ ngân hàng, ồs đèng, jak chài mờ bơto bơtê…

Cau mblàng Lơ Mu K’Yến