VOV4.K’ho- Mho ngai 26/7, tàm Hà Nội, Trung tướng Lương Tam Quang, Thứ trưởng Bộ  Kuang àng wă ồng Christopher Klein, Kuang bàng ala mat lơgar Mỹ tàm Việt Nam.

Tàm dơ̆ wă, Thứ trưởng Lương Tam Quang ưn ngài Kuang bàng ala mat ồng Christopher Klein mờ Đại sứ quán Mỹ tàm Việt Nam tàm tơngai pa do neh geh uă bơta tă pơgồp geh kuơ ngan, tơnguh bơta gĭt gơ̆p lơh broă bal jŏ jòng tơl làm Việt Nam mờ Mỹ, kung bè bơta gĭt gơ̆p lơh broă bal đah Bộ Kuang àng Việt Nam mờ ală anih lơh broă  lơh broă bal lơgar Mỹ bơtàu tơnguh niam bơnĕ, lơh  jat tàm broă lơh ngan ngồn, geh cồng nha mờ geh kuơ ngan. Tơngŏ bơta pin dờn lơh broă bal đah 2 lơgar, tàm hơ̆ geh lơh broă gah lơh broă ờs mờng đah anih lơh broă sền gàr bơta lơngap lơngai, kảnh sát 2 lơgar geh ngai sơlơ lơh niam rlau tai; Đơs nền, Bộ Kuang àng Việt Nam tŭ lơi kung kờñ cribơyai bal, pơgồp bal niam mờ Đại sứ quán lơgar Mỹ tàm Việt Nam drơng broă geh kuơ bal bơh 2 lơgar dê, pơgồp bơnah bơsong, tơrmù ƀà ală bơta krơi is tàm bơta gĭt gơ̆p lơh broă bal đah 2 gah, lơh niam wơl bơta pin dờn jŏ jòng, ai bơta gĭt gơ̆p đah 2 gah ngai sơlơ lơh jat tàm broă lơh ngan ngồn.

Cau mblàng K’Hạnh