VOV4.K’ho- Thứ trưởng Bộ Công thương ồng Đặng Hoàng An neh geh dơ̆ cribơyai mờ Thứ trưởng Bộ Công thương lơgar Czech Martina Tauberova bè broă sơlơ tơnguh lơh broă bal lơh sa, kă bro mờ lơh sa mờ măy mok đah Việt Nam mờ Séc mờ cribơyai bàr pe tơngume, broă rơndap lơh rcang ai dơ̆ lòt còp bơh Thủ tướng lơgar Czech ồng Andrej Babis tus Việt Nam.

Tàm dơ̆ cribơyai, Thứ trưởng Bộ Công thương ồng Đặng Hoàng An đơs tàm rlau 1 nam do, mờ bơta lơh ngan bơh Đảng, Dà lơgar mờ Chính phủ mờ bơta dùl nùs bal bơh làng bol dê, Việt Nam neh lơh jat geh cồng nha “jơnau kờñ dơ̆ lĕ bal” là rcang sơndră kòp geh cồng mơkung bơtàu tơnguh lơh sa- mpồl bơtiàn. Thứ trưởng kơ̆p kờñ tơnguh lơh broă bal lơh sa, kă bro mờ bơcri priă bơh 2 lơgar dê. Thứ trưởng sồr Bộ Công thương 2 lơgar pơn jat tai pơgồp bal niam, rcang lài niam ai dơ̆ lòt còp bơh Thủ tướng lơgar Czech ồng Andrej Babis dê tus Việt Nam. Ồng pin dờn dơ̆ lòt còp do ai lơh bơta gĭt gơ̆p lơh bơyô bal ờs mờng đah 2 lơgar dê gơguh tàm khà pa.

Cau mblàng K’Hạnh