VOV4.K’ho- Drim ngai 27/10, tàm hìu lơh broă Anih jơnau đơs Việt Nam, sồ 58 gùng Quán Sứ, ƀòn dờng Hà Nội geh lơh Pơrjum Mpồl git gơp lơh bơyô Việt Nam mờ Indonesia dơ̆ 4 mờ broă lơh pơrjum tơn mờ pờ tơn tàm internet. Tàm pơrjum, ală kuang bàng neh cribơyai, ring bal jơnau yal tơn jơh sền wơl broă lơh bơh Mpồl dê tàm 5 nam pa do, ai tơlik gùng dà bơh Mpồl dê tàm tơngai lơh broă bơh nam 2021 tus nam 2026.

Sơlơ gàr kơ̆ git gơp đah Việt Nam mờ Indonesia

Pơrjum kung bơyai lơh pồ Ban Chấp hành Mpồl git gơp lơh bơyô dà lơgar, Ban Thường vụ, Ban sền sơwì mờ ală gơnoar broă đơng lam bồ tờm ngan ndai bơh Mpồl dê. Mpồl git gơp lơh bơyô Việt Nam mờ Indonesia neh jơh nùs tă pơgồp tàm broă sơlơ gàr kơ̆, sơlơ tơnguh git gơp tam klac lơh bơyô, chồl pràn lơh broă bal, rề ơnàng tìp mat lơh quèng tàm tơngume pa bơh git gơp lơh broă bal kuơmàng dê. Mpồl neh tơnguh gơnoar broă lơh rbàng tơrbŏ, tơrbŏ bal đah ală mpồl, ală lơgar lơh broă bal bơh 2 lơgar dê, pơgồp bơnah tơnguh lơh broă bal, ai geh ală bơta pràn ai bơtàu tơnguh lơh sa, mpồl bơtiàn, sền gàr bơta kuơ dà lơgar in.

Cau mblàng K’Duẩn