VOV4.K’ho- Ñjrong đèng sơn rờp tàm khà 28 nơm ñjrong tàm Hìu măi đèng càl Dak Ndrung 1, geh bơta pràn 50 MW geh tuh bê tông tàm mang ngai 30/3. Do là 1 tàm 6 rơndap broă lơh đèng càl geh Ủy ban Nhân dân càr Dak Nông ring bal neh geh sơn đờm lam lơh. Nhai 10 nam 2020, 6 rơndap broă lơh đèng càl neh geh Ủy ban Nhân dân càr Dak Nông ring bal gùng dà bơcri priă.

Kờp jơh bơta pràn bơh 6 rơndap broă dê là 430 MW, ndrờm geh lam lơh tàm kơnhoàl Dak Song, tiah geh đơs là geh bơta niam, bơta pràn nàng bơtaù tơnguh bơta năng lượng do. Kờp jơh priă tă lơh kờp dŭ bơh 6 rơndap broă do dê gơguh mờr 15 rbô tơmàn đong. Kờp dŭ tus lồi nam 2021, jơh 6 rơndap broă ndrờm geh ai ngui, geh pơgồp bơnah pờ tơlik ồs đèng ai gùng che đèng dà lơgar, kung bè tơnguh bơta kơ̆ kơljap ai gùng che đèng Dak Nông in.

Cau mblàng K’Duẩn