VOV4.K’ho - Pơrjum cau kơnòm să git wa\ Việt Nam gùt plai ù dơ\ 1 geh ngan ngồn sơn đờm mut pơrjum tàm [òn dờng Đà Nẵng tàm ngai òr, 28/11. Mờ tơngume ‘’ Lơh jat bơta pràn rơnàng kơnòm să git wa\ Việt Nam tàm rài 4.0’’, pơrjum rơnàng kơnòm să git wa\ Việt Nam gùt plai ù, gơ hòi gơ jà rlau 200 nă cau kơnòm să Việt Nam gam ơm kis mờ lơh broă tàm 21 dà lơgar, gơ wèt 52 gah  broa\ lơh tus bal.

Ală cau tus bal tàm dơ\ pơrjum cribơyai bal bè bơta sền tus, rài tơnơ\, gơnoar broă mờ bơta pràn tă pơgồp bơh mpồl cau kơnòm să làng bol Việt Nam dê tàm broă lơh crơng gơs pa mờ bơtàu tơnguh dà lơgar, mơkung dan ală broă lơh gơ hòi gơ jà, lơh jat cau jak chài dùl bă ngan ngồn, cồng nha nàng pơn jờng cau kơnòm să git wa\ Việt Nam dê tàm broă rcang lài, lơh ngan tă pơgồp dà kơl hề, tă pơgồp ai broă lơh tam gơl pa mờ bơceh pa bơh dà lơgar dê.

Tus mờ đơs tàm dơ\ pơrjum, Phó Thủ tướng Thường trực Chính phủ ồng Trương Hòa Bình đơs tờm “cau jak chài là bơta pràn dà lơgar dê, gơ hòi gơ jà cau chài, ngan là cau chài tàm cau kơnòm să git wa\ Việt Nam gùt plai ù là broă lơh dùl lơm bơh Đảng mờ Dà lơgar nàng hòi jà cau kơnòm sa\ git wa\ tă pơgồp bal tàm broă bơt bơtàu mờ sền gàr dà lơgar Việt Nam xã hội chủ nghĩa.

Cau mblàng K’ Hạnh