VOV4.K’ho- Drim òr, 21/5, tàm Hìu Quốc hội bơyai lơh yu\ rơyùm Dơ\ sơnđờm mut pơrjum dơ\ 5, Quốc hội khoá 14. Đơs tàm dơ\ mut pơrjum, Chủ tịch Quốc hội mò Nguyễn Thị Kim Ngân pà g^t, nam 2018 là nam dơ\ 3 tàm tơngai lơh kơnòl broă Quốc hội khoá 14 dê, geh uă ngan kơnòl broă dờng màng ai tơlik gơ wèt tus mờ Quốc hội. Bơta do sồr Quốc hội pal pơn jat tai lơh jat nùs nhơm tam gơl pa, bơceh pa mờ lơh broă tài bơta kuơ bơh làng bol mờ bơh jơi bơtiàn dê nàng lơh gơs ală kơnòl broă geh jàu.

Tàm drim ngai òr, ồng Trương Hoà Bình, Phó Thủ tướng Chính phủ sền jơnau yal đơs wơl bơ tơl cồng nha lơh jat broă rơn dap lơh bơtàu tơnguh lơh sa- mpồl bơtìan mờ kes priă dà lơgar nam 2017; broă lơh jat broă rơn dap lơh bơtàu tơnguh lơh sa mpồl bơtìan mờ kes priă dà lơgar tàm ală nhai bồ nam 2018.

Ồng Trần Thanh Mẫn, Chủ tịch Ủy ban mặt trận dà lơgar Việt Nam sền Jơnau yal tơrgùm jơh ală jơnau đơs, jơnau dan bơh cau te\ khà mờ làng bol dê.

Mho òr, 21/5 pơrjum dơ\ 5, Quốc hội iăt ồng Đinh Tiến Dũng, Bộ trưởng Tài chính, jat bơta jàu gơnoar bơh Thủ tướng Chính phủ dê sền Jơnau yal sồr Quốc hội sền swì ring bal tơn jơh kờp du\ dơ\ ngui kes priă dà lơgar nam 2016.

Cau mblàng K’Hạnh