VOV4.K’ho - Ngai òr (13/09), Ủy ban Thường vụ Quốc hội neh sơn đờ pơrjum dơ̆ 3 mờ kờp dŭ geh bơyai lơh tus ngai 22 nhai 9. Đơs tàm dơ̆ sơn đờm pơrjum, Chủ tịch Quốc hội ồng Vương Đình Huệ pà git, tàm pơrjum do, Ủy ban Thường vụ Quốc hội geh sền wơl mờ pơgồp jơnau đơs tàm ală tơngu me kuơ màng yal Quốc hội tàm pơrjum dơ̆ bàr mờ sền wơl ờ uă broă gơwèt gơnoar bơh Ủy ban Thường vụ Quốc hội dê, tàm hơ̆ geh 5 mpồl broă tờm.

                      Chủ tịch Quốc hội ồng Vương Đình Huệ geh jơnau đơs tàm dơ̆ sơn đờm pơrjum

Kung tàm pơrjum do, Ủy ban Thường vụ Quốc hội pơgồp jơnau đơs bè rơndăp broă Nghị quyết bè broă lơh tơrlòng ờ uă cơ chế, broă lơh krơi is tơnguh bơtàu càr Thanh Hoá; Sền sơwì, lơh nền broă crơng gơs ƀòn dờng Từ Sơn, càr Bắc Ninh; Sền sơwì, lơh nền broă ai lơh jăt ờ uă broă lơh bè ờ tă, tơmù tă dia nàng dong kờl mpồl lơh sa kă bro, làng bol gơtìp aniai bơh kòp Covid-19; pơgồp jơnau đơs bè rơndăp broă sền gàr bơta lơngăp lơngai dà mờ kơl jăp bơtơ̆t, tơnao dơng dà tơngai bơh nam 2021 tus 2030, wèt tus nam 2045.

Cau mblàng Ndong Brawl