VOV4.K’ho- Drim òr (10/11), neh bơyai lơh sơn đờm pơrjum ờ ơnàng Bộ trưởng Quốc phòng ală lơgar tàm mpồl ASEAN (ADMM ờ ơnàng) jăt broă lơh pờ tơlik tàm internet mờ broă tus bal bơh Bộ trưởng Quốc phòng ală lơgar tàm mpồl ASEAN.

Thiếu tướng Pê-hin Han-bi, Bộ trưởng dơ̆ bàr Bộ Quốc phòng lơgar Brunei đơng lam pơrjum. Tàm pơrjum, tơnơ̆ mờ tŭ iăt ala măt lơgar Brunei yal bè broă lơh bal bơh tŭ Pơrjum ADMM dơ̆ 15 mờ Pơrjum ADMM+ dơ̆ 8, ală Bộ trưởng cri bơyai bè gùng dà broă lơh jŏ jòng bơh ADMM di tơnkah 15 nam ADMM. Đơs tàm Pơrjum, Đại tướng Phan Văn Giang, Bộ trưởng Quốc phòng, Kuang atbồ mpồl kuang bàng lơgar Việt Nam đơs: Sền gàr bơta lơngăp lơngai, ờ do ờ dă gùng lòt tàm dà lềng, khăt gơboh gùng rơndeh par là bơta kuơ bơh jơh ală lơgar tàm dunia dê, den tàng mpồl ASEAN pal lơh ngan kơ̆ nùs di pal bè dà lềng đah măt tơngai lik.

Cau mblàng Ndong Brawl