VOV4.K’ho- Drim òr (14/04), tàm Hà Nội, Drà ràng tơlĭk phan kă bro dunia lơgar Việt Nam dơ̆ 30 (VIETNAM EXPO 2021) nam sơn đờm. Drà ràng tơlĭk dơ̆ do hòi jà geh 320 mpồl lơh sa kă bro tàm lơgar mờ dunia tus bal yal phan geh lơh mờ pơgồp bal kă bro.

Geh bơyai lơh tàm 4 ngai, bơh tŭ do tus ngai 17 nhai 4, Vietnam Expo là dơ̆ ràng tơlĭk drà kă bro dunia sơn đờm bơh nam 2021 dê, geh broă tus bal bơh uă mpồl lơh sa kă bro lơgar bơdìh bơh broă lơh anih ràng phan bơh ngài bơh ală lơgar bè: Mỹ, Nhờk, Đức, Nga, Lo, Hàn Quốc... drà ràng tơlĭk Vietnam Expo dơ̆ 30 geh tơngu me “Vietnam Expo-Lòt bal mờ mpồl lơh sa kă bro tàm rài sồ”.

Bơta pal kah ngan bơh drà ràng tơlĭk phan kă bro dơ̆ do là ngui broă ràng tơlĭk pơgồp bal mờ broă lơh hìu ràng tơlĭk tơn pơgồp bal bơh mpồl hìu ràng tơlĭk bơh ngài, bal mờ broă kă bro pờ tơlĭk tàm internet.

Cau mblàng Ndong Brawl