VOV4.K’ho- Mho ngai 06/10, Pơrjum Bộ trưởng ASEAN bè sền gàr bơta lơngap lơngai internet dơ̆ 6 (AMCC-6) bơh lơgar Singapore bơyai lơh jat broă lơh pờ tơlik tơn tàm internet ngan ngồn sơnđờm mut pơrjum. Mpồl Kuang bàng Việt Nam bơh Trung tướng ồng Lương Tam Quang, Thứ trưởng Bộ Kuang àng tus bal tàm anih tàm tơrbŏ bal tàm Hà Nội.

Tơng leh sền gàr bơta lơngap lơngai internet dunia dơ̆ 6 (SICW-6) mờ Pơrjum Bộ trưởng ASEAN bè sền gàr bơta lơngap lơngai internet dơ̆ 6 (AMCC-6) là broă lơh pah nam bơh lơgar Singapore dê bơyai lơh nàng kờñ cribơyai bal bơta mờng chài, yal tơngĭt ală jơnau yal bè bơta lơngap lơngai internet gùt plai ù mờ tàm ASEAN. Tơngume Tơng leh sền gàr bơta lơngap lơngai dunia nam do là “Ơm kis bal mờ kòp Covid-19- Sền gĭt ală bơta lòng mờ tŭ tơngai niam bè sền gàr bơta lơngap lơngai kỹ thuật sồ” nàng kờñ cribơyai bè broă pơgồp bal đah ală lơgar, mpồl lơh sa kă bro nàng ngui ală tŭ tơngai kỹ thuật sồ ờ hềt geh bơh lài lài mờ tŭ kòp dờng bơtờp uă mờ rcang sơndră mờ ală bơta pơhìn tàm anih internet gam gơguh nàng kờñ gàr niam bơta lơngap lơngai mờ lơh pràn is bơh anih internet dê.

Cau mblàng K’Hạnh