VOV4.K’ho- Drim do, 17/8, tàm hìu lơh broă Quốc hội, sơnđờm mut pơrjum dơ̆ 2 bơh Ủy ban Thường vụ Quốc hội dê. Geh bơyai lơh tàm 2 ngai, pơrjum do, Ủy ban Thường vụ Quốc hội geh ai jơnau đơs tă pơgồp bal tàm 4 tơngume dờng, tàm hơ̆ geh ai jơnau đơs tă pơgồp bơh sơnrờp bè broă rcang lài ai pơrjum dơ̆ 2, Quốc hội khóa 15 in.

Tàm pơrjum do, Ủy ban Thường vụ Quốc hội ai jơnau đơs bè jơnau yal bơh Chính phủ dê bè bơta lơh jat ală broă lơh, broă lơh dong kờl bè Bảo hiểm xã hội, atbồ mờ ngui kes priă Bảo hiểm xã hội nam 2020; sền sơwì, lơh nền bè kơrnoat, broă jàu mờ khà tam pà kờp dŭ lài dơ̆ tă ngui sùm kes priă dà lơgar dê nam 2022. Tàm pơrjum, Ủy ban Thường vụ Quốc hội geh tơn jơh pơrjum dơ̆ 1, Quốc hội khóa 15 mờ ai jơnau đơs bơh sơnrờp bè broă rcang lài pơrjum dơ̆ 2, Quốc hội khoá 15; ai jơnau đơs rơndap cih Nghị quyết ai ngui kơrnoat lơh broă lài bơh Hội đồng Dân tộc, ală Ủy ban bơh Quốc hội dê; sền sơwì, lơh nền broă crơng gơs, tơn jơh lơh broă Anih lơh broă lùp khàu hình sự quân khu mờ ndrờm mờ hơ̆, Anih lơh broă lùp khàu hình sự tàm kơnhoàl ù tiah tàm Ling klàng làng bol dê....

Cau mblàng K’Hạnh