VOV4.K’ho- Mho do, 12/7, tàm hìu Quốc hội, geh bơyai lơh pơrjum dơ̆ 58 bơh Ủy ban Thường vụ Quốc hội dê. Geh bơyai lơh tàm 3 ngai, uă tơngume kuơ màng geh sền sơwì tàm dơ̆ pơrjum do dê.

Tàm dơ̆ pơrjum, Mpồl duh broă tĕ khà dà lơgar geh yal cồng nha đơs dờp gơnoar broă Kuang bàng Quốc hội khoá 15. Pơn jat hơ̆, Ủy ban Thường vụ Quốc hội ai jơnau đơs bè rơndap tap sèng mpồl Kuang bàng, khà Kuang bàng Chính phủ tơngai lơh broă bơh nam 2021-2026; bè broă lơh Kuang bàng nàng yal mờ Quốc hội in kung bè broă rcang ai pơrjum dơ̆ dùl, Quốc hội khoá 15 in. Ủy ban Thường vụ Quốc hội kung ai jơnau đơs bè gùng dà bơcri priă lơh broă lơh jơnau kờñ dà lơgar bơt bơtàu ƀòn lơgar pa tơngai bơh nam 2021-2025 mờ bơcri priă lơh broă lơh jơnau kờñ dà lơgar tơrmù rƀah mờ gàr tơl niam rài kis mpồl bơtiàn kơ̆ kơljap tơngai bơh nam 2021-2025; rơndap cih Nghị quyết bè bơsong priă jền ai Tập đoàn nhơm zơu Việt Nam in tŭ tơm ală bơnah priă bơsir wơl giá tàm broă tăc phan bơna bơh Rơndap broă lơh hoá zờu Nghi Sơn dê.

Cau mblàng K’Hạnh