VOV4.K’ho- Mho òr 11/12, tàm [òn dờng Dà Làc, Hội đồng Nhân dân càr Lâm Đồng sơnđờm mu\t pơrjum dơ\ 6, khoá 9. Dơ\ pơrjum do tơrgùm sền wơl, mblàng sền mờ sồr geh ală gùng dà broă lơh bơsong ală bơta ờ hềt niam, ờ hềt pràn jak, dong bơtàu tơnguh lơh sa- mpồl bơtiàn càr dê tàm tơngai tus.

Nam 2018, lơh sa- mpồl bơtiàn càr Lâm Đồng dê pơn jat tai geh ală bơta bơtàu tơnguh niam, 17 broă tờm ndrờm lơh geh mờ sơrlèt rlau pơndrờm mờ broă rơndăp lơh ai tơlik.

Mơya, broă bơtàu tơnguh lơh sa- mpồl bơtiàn bơh càr Lâm Đồng dê kung gam mpờl go\ uă bơta ờ hềt pràn jak: drà blơi phan lơh geh bơh sươn sre ờ kơ\ kơl jăp, jơnau geh ngan phan lơh geh bơh sươn sre lơgar Lo dê lơh pơrlồm mat phan lơh geh bơh sươn sre Dà Làc dê ờ hềt geh bơsong jơh; broă lơh atbồ, sền gàr brê gam gơtìp rơmơ\p ndơl, lời gơlik geh uă tiah mus brê uă, kal ke, sơgràm ù brê tìs mờ kơrnoat boh lam; gơhòi gơ jà năc lòt nhơl gơguh mơya ờ hềt kơ\ kơl jăp; rềs àr gùng lòt gam ơm tàm khà jơnhoa; cau lơh tìs bè rơndăp tăp sèng ờdo ờdă mpồl bơtiàn, cau lơh tìs bè lơh sa gơguh…

Bal mờ hơ\, broă cribơyai, mblàng sền mờ ai tơlik ală gùng dà broă lơh nàng lơh niam wơl mờ bơsong ală bơta ờ hềt pràn jak do, dơ\ pơrjum Hội đồng Nhân dân càr Lâm Đồng gam sền swì, tă pơgồp jơnau đơs mờ ring bal bàr pe sră jun yal, kơrnoat kuơmàng tàm ală gah broă lơh.

Cau mblàng Lơ Mu K’Yến