VOV4.K’ho- Drim ngai 21/12, tàm Hà Nội, Ƀảo tàng cau ùr Việt Nam mut lơh ràng tơlik jơnau nrĭ kah yau mờ cau kah yau geh sơnđan “Lòt jat tềl jơng Đại tướng”, kah ưn ngài Đại tướng Võ Nguyên Giáp. Cau bơceh 110 jơnau nrĭ do là cau pơgru, cau cih ƀăŭ, cai cih jơnau nrĭ  Nguyễn Thị Mỹ Dung, cau neh geh tŭ tìp mờ cih bè Đại tướng rlau 20 nam do.

Ràng tơlik jơnau nrĭ "Lòt jat tềl jơng Đại tướng"

Mờ nùs nhơm ki ngàm mờ kah ưn ngài uă ngan, cau pơgru, cau cih jơnau nrĭ Nguyễn Thị Mỹ Dung neh jòi bè tơl tiah mờ Đại tướng Võ Nguyên Giáp neh lòt gam bè ù tiah pôs đồng kac màng Cao-Bắc-Lạng, tiah tam lơh Điện Biên... nàng git loh rlau tai bè ù tiah kah yau. Rlau 20 nam jơh nùs mờ tă pơgồp bồ tơngoh jak, cau pơgru, cau cih jơnau nrĭ Nguyễn Thị Mỹ Dung neh bơceh git nđờ rhiang jơnau nrĭ “Lòt jat tềl jơng Đại tướng” mờ nùs nhơm sùm kơp kờñ bơyai lơh dùl dơ̆ ràng tơlik di tơngkah 110 nam ngai deh Đại tướng Võ Nguyên Giáp.

Cau mblàng K’Duẩn