VOV4.K’ho – Ală Bộ, gah lơh broă, ală càr, [òn dờng pal lam lơh ală broă lơh jal mhar nàng gàr niam ờ do ờ dă gùng lòt, sồr dờp kơ nòl cau atbồ ală tiah lời gơlik geh rềs àr gùng lòt. Hơ\ là jơnau đơng lam bơh Phó Thủ tướng Chính phủ, ồng Trương Hoà Bình tàm pơrjum tơn tàm internet, sền wơl broă lơh gàr niam ờ do ờ dă gùng lòt 6 nhai bồ nam mờ lam lơh kơnòl kuơ màng tàm tơngai tus.

Jat jơnau yal bơh Ủy ban Ờ do ờ dă gùng lòt dà lơgar, tàm 6 nhai bồ nam do, jơnau kờ` pơndiang cau mờ phan bơna gơguh uă, mơya bơta ngap lơngai ờ do ờ dă gùng lòt tàm gùt lơgar geh ală tam gơl niam ngan. Bu\lah bè hơ\, 6 nhai bồ nam do, gùt lơgar neh gơlik geh mờr 9 rbô dơ\ rềs àr gùng lòt, lơh 4 rbô 103 nă cau chơt mờ lơh rlau 7 rbô nă cau gơtìp sồt să. Kung tàm 6 nhai bồ nam do, gùt lơgar neh gơlik geh 67 dơ\ kòl gùng lòt jo\ jòng.

Ủy ban Ờ do ờ dă gùng lòt dà lơgar kung yal loh ală bơta ờ niam tàm 6 nhai do. Hơ\ là bơta rềs àr gùng lòt gơlik geh kal ke. Khà gơmù rềs àr gùng lòt ờ hềt jat jơnau kờ`. Ờ uă dơ\ rềs àr gùng lòt ngòt rơ ngơt, lơh gơbàn hoàc huơr kơn jơ\ ngan bè kòn bơnus mờ phan bơna, ngan là ală dơ\ rềs àr gùng rơndeh ồs sùm tàm ală ngai lồi nhai 5 neh lơh gơbàn ờ suk tàm mpồl bơtiàn.

Kòl gùng lòt tàm Hà Nội, [òn dờng Hồ Chí Minh mờ ală gơl gùng tờm ngai sơlơ gơguh uă, ngan là tàm ală dơ\ ơm rlô chờ jo\ ngai, tu\ trồ tiah ờ niam, tu\ geh rềs àr halà ờ niam rơndeh rơn dồ. Thiếu tướng Trần Sơn Hà, Kuang atbồ Cục kảnh sát gùng lòt, gơ wèt Bộ Kuang àng pà git: Tu\ do, tàm ală gơl gùng rơndeh ntoat rat geh uă jơnau digơlan gơbàn rềs àr gùng lòt. Ờ uă gùng rơndeh ntoat rat neh geh ngui uă nam, gơtìp ờ niam, ờ diơng mơya kung gam ai rơndeh rơn dồ lòt rê rat ngan. Bal mờ hơ\, chài mai\ rơndeh bơh uă cau mai\ rơndeh dê tu\ do ờ hềt niam, tàm tu\ pơng gàr kơryan tàm ală gùng rơndeh ntoat rat, gùng kùel ờ kơ\, ờ tơl nàng kơryan rơndeh rơn dồ tu\ tam tơm halà mai\ ờ gơtùi: “Bol a` sền go\ ală tiah sùm gơlik geh rềs àr, ală bă tiah kòl gùng, ală tiah digơlan gơlik geh rềs àr den neh sồr cih tàm Adat gùng lòt ù gơl mơya ờ hềt geh ring bal. Bol a` go\ là neh tus tu\ pal sền sơ wì cồng nha lơh sa - mpồl bơtiàn bè rềs àr gùng lòt. Tu\ do, gam uă bơta ờ niam, tàm hơ\ ờ geh cau lơi dờp kơ nòl tờm. Tu\ rềs àr gùng lòt gơguh uă, ờ geh cau lơi dờp kơnòl mùl màl, mờ mìng là kơ nòl bơh cau mai\ rơndeh dê, cau đì rơndeh dê lơm. Jat a` bơta do pal geh sền sơwì, lơh loh tàm tơngai tus.”

Đơs tàm pơrjum, Phó Thủ tướng Thường trực Chính phủ, ồng Trương Hoà Bình đơs loh: Ngap lơngai ờ do ờ dă gùng lòt gơlik geh kal ke, gam uă dơ\ rềs àr gùng lòt kơn jơ\, lơh uă cau chơt jê. Bơta rơndeh ơm kềng gah gùng nàng rò mờ tơmù nac ngai sơlơ gơguh uă, tàm pơr lòng ờ ring bal mờ rơndeh nac lòt song; kòl gùng lòt tàm ală tiah drà dờng ngai sơlơ gơguh uă wơl; kung gam bơta ờ iam tàm tu\ lơh broă bè jơnau đơs bơh làng bol mờ sră [au\ dê tàm tơngai lài. Bu\lah gơlik geh uă broă bè hơ\, mơya Thủ tướng Chính phủ kung ờ hềt dờp geh jơnau yal bè bơsong kơ nòl tus mờ cau atbồ ală tiah.

Phó Thủ tướng tơngkah ală Bộ, gah lơh broă tă pơ gồp jơnau đơs bè broă lơh bơt bơtàu, lơh niam adat boh lam, lơh jat jơnau kờ` ngan ngồn tàm rài kis tus mờ broă lơh do. Bộ Giao thông vận tải pal mhar lơh phần mềm atbồ rơndeh dờng pơndiang cau mờ phan bơna, nàng tơnguh cồng nha atbồ broă pơndiang mờ sền gròi krà`, lơh glài bơta rơndeh ơm kềng gah gùng nàng rò mờ tơmù nac. Gơwèt mờ rlau 4 brô 200 gùng drơng rài kis làng bol in geh lơh is lòt gam gùng rơndeh ồs gùt lơgar, Phó Thủ tướng Trương Hoà Bình sồr ală tiah lơh lơh [àng yal lài nàng pơlam cau đì rơndeh in. Tiah lơi gơtùi sang den pal sang, ờ go\ di lời bè tu\ do. Phó Thủ tướng Trương Hoà Bình đơs tờm: “Ờ mìng kes priă sền gàr lơh niam gùng lòt ù gờl, mờ priă lơh glài bè lơh tìs gùng lòt, sồr ală oh mi kờp du\, lời wơl khà uă [òn lơgar in nàng tơn jơh tiah [uơn gơlik geh rềs àr gùng lòt, tiah digơlan gơlik geh rềs àr gùng lòt. Bol he go\ loh jơnau bơh tài gơbàn den pal lơh ngan nàng bơsong.”

            Cau mblàng K’Duẩn