VOV4.K’ho- Tàm dơ\ pơrjum 23, Ủy ban Sền swì dà lơgar neh sền swì, lơh glài ồng Trần Quốc Cường, Ủy viên Đảng Dà lơgar, Phó Bí thư Tỉnh ủy Dak Lak, lài do là Bí thư Đảng ủy, Kuang atbồ Cục Chính trị- Hậu cần (B41), Phó Kuang atbồ Tổng cục V, Bộ Kuang àng.

Jat jơnau đơs pơndu\t bơh Ủy ban Sền swì Dà lơgar dê, tàm tơngai at gơnoar broă Bí thư Đảng ủy, Kuang atbồ Cục B41, Phó Kuang atbồ Tổng cục V, Bộ Kuang àng, ồng Cường neh lơh tìs Kơrnoat lơh broă; ki\ sră jàu gơnoar mờ sră hơ ai gơnoar mpồl lơh sa kă bro in geh hòi jà tă pơgồp priă jền ai rơndăp broă lơh hìu ơm tàm Đại Kim ờ di jơnau cih bơh kơrnoat boh lam dê, neh lơh geh bơta [ươn nàng kuang bàng kơnă hơđơm hơ sơmờm tơn lơh tìs lơh pơrlồm, sa kuề jơtài phan bơna, lơh gơlik jơnau gơlời wơl ngòt rơngơ\t ngan.

Ồng Cường kung neh ki\ ring bal ai tă ờ di jơnau kờ` priă tă pơgồp blơi hìu bơh kuang bàng, cau ling tàm anih lơh broă dê. Jat Ủy ban Sền swì dà lơgar dê đơs, ală broă lơh tìs, ală bơta ờ niam bơh ồng Trần Quốc Cường dê là ngòt rơngơ\t ngan, lơh gơrềng tus bơngă bơh mpồl đảng, bơh gah kuang àng mờ să tờm is. Ủy ban Sền swì dà lơgar sồr kơnă geh gơnoar sền swì mờ lơh glài ồng Cường.

Cau mblàng mờ yal tơngi\t- Lơ Mu K’Yến