VOV4.K’ho- Mpồl lơh niam wơl mhar gơwèt Công ty Ồs đèng Dăk Nông pa lơh niam wơl tơn ồs đèng tàm gùng che ồs đèng 22KV gam pờ đèng tàm Cư Jŭt, sơr băc mhar bơsong ală bơta aniai. Ngan ngồn, tàm jrong đèng C53 gơwèt  mạch kép ĐD481CJU mờ ĐD477CJU, gah lơh broă Ồs đèng Cư Jŭt neh sền gŏ tiah tàm tơrƀŏ gơ tam tìp ờ niam, pơhìn gơrềng tus broă pờ đèng ai năc in mờ ală anih ồs đèng mat tơngai ơn hơđang rơkàng hìu tơnơ̆ jrong đèng dê.

Công nhân gam lơh wơl niam tàm jrong đèng C53 gùng che ồs đèng 22 KV tàm Cư Jŭt

Dờp geh jơnau yal, Mpồl lơh niam wơl sơrbăc mhar neh lam lơh gùng dà broă lơh tàm tơrƀŏ tơn chơ̆t hotline, lơh kràñ kẹp tàm gùng đèng trung áp mờ ép wơl bồ FCO. Tơnơ̆ mờr 3 jiơ lơh broă tơn tàm gùng gam pờ đèng 22 KV, mpồl neh lơh sir broă lơh niam wơl, gàr niam măy mok mut ngui ờdo ờdă, geh đèng sùm, ờ lơh gơrềng tus broă pờ đèng kung bè broă pờ đèng bơh ală anih pờ tơlik đèng mat tơngai ơn hơđang rơkàng hìu tàm gùng che đèng dê.

Cau mblàng K’Hạnh