VOV4.K’ho - Trung thu là sa tềp kơnòm dềt dê, là dơ̆ mờ ală kơnòm dềt  geh ơm tàm nùs nhơm chờ hờp, ram mhŭ, tơrgùm bal mờ mè bèp, ồng mò, nhơl chờ sa ƀañ kèo, sền àng kơnhai ndar me. Mơya, geh ờ uă tiah tàm gùt lơgar, nam do uă kơnòm dềt wă rò sa tềp Trung thu tàm tiah ai ơm tam cah ngài ha là bal mờ hìu bơnhă lơh jat broă lơh ai ơm tam cah ngài mpồl bơtiàn nàng rcang sơndră kòp Covid-19.

                                 Chủ tịch lơgar ồng Nguyễn Xuân Phúc mờ ală kơnòm dềt

Di dơ̆ sa tềp Trung thu, ồng Nguyễn Xuân Phúc - Chủ tịch lơgar pơyoa sră tus mờ ală kơnòm kơnòm pa tào, kơnòm dềt, tàm sră geh gơl cih bè do:  Wa ngoh rơngăc ngan tŭ uă sao sơnam gam dềt mơya neh gơs ală “cau ling dềt” khin cha, lơh is tàm tơl ală bơta ơm ngài mờ hìu bơnhă nàng lơh jat broă ai ơm tam cah ngài; mè, bèp, cau pròc mhàm pal ơm ngài ing nàng lơh jat kơnòl broă tàm tiah lam lài rcang sơndră kòp. Wa kung chờ hờp ngan sơl mờ jờng rơ ală sao neh gĭt sơrlèt gan kal ke, gơlòng sồr, lơh geh cồng nha niam tàm broă bơsram sră, di pal mờ bơta sền gròi, ròng siam bơh hìu bơnhă mờ mpồl bơtiàn dê. Ală sao pal sùm geh nùs nhơm kờñ gơboh dà lơgar, pin dờn mờ pơnyờ să, kơ̆p kờñ, sùm bơsram, bơsram tàp nùs nhơm, bơsram tàp bơta chài nàng pơgồp bal tàm broă bơt bơtàu dà lơgar he dê ngai sơlơ niam, pas gơs bè Bác Hồ kờñ gơboh neh kơ̆p kờñ tàm kơnòm pa tào, kơnòm dềt lơgar Việt Nam dê.

Cau mblàng K’ Hạnh