VOV4.K’ho- Thủ tướng Chính phủ pa geh sră nggal bè broă sơlơ tơnguh ală broă lơh gàr niam ờdo ờdă rơcang sơndră kòp Covid-19.

Tàm hơ̆, Thủ tướng sồr Chủ tịch Ủy ban Nhân dân ală càr, ƀòn dờng gơ wèt dà lơgar, ală Bộ trưởng, kuang atbồ ală anih lơh broă ndrờm mờ Bộ, anih lơh broă gơ wèt Chính phủ pơn jat tai pơlam mờ lơh jat nền nòn ală jơnau đơng lam bơh Bộ Chính trị, Ban Bí thư, Chính phủ, Thủ tướng Chính phủ, Mpồl đơng lam dà lơgar rơcang sơndră kòp Covid-19 dê mờ ală jơnau pơlam, jơnau sồr bè rơcang sơndră kòp bơtờp bơh Bộ Y tế dê mờ nùs nhơm rơcang lài, kràñ cê, jơh nùs, ngan ngồn mờ geh cồng nha nàng kờñ lơh jat geh cồng nha jơnau kờñ dơ̆ lĕ bal. Lơh jat nền nòn ală broă lơh kơryan, git gŏ, tam cah is, đal git tiah kơryan kòp, sơm kòp jơh nùs. Kuơmàng là sền gròi lơh jat ală jơnau sồr bè ơm yah ngài, đal git bă tiah geh kòp; pleh bơta kơryan ơnàng bơdìh mơya ờ kơ̆ tàm dơlam; pal lam lơh niam broă pà kòi phe, phan sa mờ phan ngui sa pal geh pah ngai ai làng bol tàm tiah gơtìp wàng se, tam cah is, ơm yah ngài mpồl bơtiàn in. Ngui ală broă lơh rơcang sơndră kòp pal jat gơ wèt tus mờ jơh ală cau tus bơh tiah geh kòp jat jơnau sồr.

Cau mblàng K’Duẩn