VOV4.K’ho- Mho òr 7/1, tàm Hìu duh broă Đảng dà lơgar dê, Mpồl cih sră nggal pơrjum dờng dơ\ 13 bơh Đảng dê pơrjum dơ\ sơnrờp cribơyai, ai jơnau đơs bè broă lơh ală sră nggal jun yal Pơrjum dờng dơ\ 13 bơh Đảng dê.

Ồng Nguyễn Phú Trọng, Tổng Bí thư, Chủ tịch lơgar mơkung là Kuang atbồ Mpồl cih sră nggal đơng lam dơ\ pơrjum. Tơnơ\ tu\ iat jơnau đơs bơh ală kuang bàng tàm Mpồl cih sră nggal dê đơs, đơs pơndu\t dơ\ pơrjum, Tổng Bí thư, Chủ tịch lơgar ồng Nguyễn Phú Trọng đơs sùm bơta kuơmàng bơh Pơrjum dờng kuang bàng ala mat gùt lơgar dơ\ 13 bơh Đảng dê rơcang lơh tàm quý 1 nam 2019.

Tổng Bí thư, Chủ tịch lơgar đơs là, do là broă chính trị kuơmàng, geh bơta kuơ pơlam gùng rài tơnơ\ do, lơh hô, pơn jờng jơh gùt Đảng, gùt làng bol, jơh gùt ling klàng pơn jat tai lơh pràn làm tơl mờ ală bơta, dùl ròt bal broă lơh tam gơl pa, ai dà lơgar bơtàu tơnguh mhar mờ kơ\ kơl jăp, sền gàr kơ\ kơl jăp Dà lơgar, lơh ngan tus nam 2030 gơ gơs là lơgar lơh sa mờ măy mok jat gùng dà rài pa tu\ do, tus nam 2045 gơ gơs là lơgar lơh sa mờ măy mok lòt jat gùng dà xã hội chủ nghĩa, tài jơnau kờ` làng bol pas sơm, dà lơgar pràn kơldang, làng bol lơh tờm, ring bal, bơtàu tơnguh, kơ\ kơl jăp cơnđoà jơng lòt tus chủ nghĩa xã hội.

Den tàng bè hơ\, jat Tổng Bí thư, Chủ tịch lơgar, broă rơcang ală sră nggal bơh Pơrjum dờng dê pal geh lơh dùl bă jak chài, wil tơl, kuơmàng là Jơnau yal chính trị- jơnau yal tờm kuơmàng bơh Pơrjum dờng dê geh bơta kuơ dờng màng ngan nàng kờ` lơh geh bơta cồng nha bơh Pơrjum dờng dê.

Cau mblàng Lơ Mu K’Yến