VOV4.K’ho- Thủ tướng Chính phủ pa geh Sră pơyua sồ 479 bè broă drơng jơnau kờñ lòt rê bơh làng bol dê mờ gàr niam rơndăp tăp sèng, ờdo ờdă gùng lòt tàm dơ̆ ơm rlô ngai 30/4 mờ ngai 1/5/2021. Sră pơyua cih loh: dơ̆ ơm rlô ngai 30/4 mờ ngai 01/5, Thủ tướng Chính phủ sồr ală Bộ, anih lơh broă geh gơnoar; ală càr, ƀòn dờng tàm gùt lơgar tàm gơnoar broă, kơnòl broă, gơnăp gơnoar bơh he dê sồr gàr niam pràn jak, bơta niam mờ ờdo ờdă gơwèt mờ broă lơh pơndiang năc; lơh jăt niam ală jơnau sồr bơh kơrnoat boh lam dê bè rơndăp tăp sèng ờdo ờdă gùng lòt; Sơlơ gàr niam bơta lơngăp lơngai, rơndăp tăp sèng tàm anih sơnrờp ală sơnĕ gùng lòt dờng, ală tiah blơi phan, nhơl chờ hờp, lơh rài bồ tơngoh, ñô sa tơrgùm bal mờ ală anih nhơl chờ, dơ̆ lơh chờ dờng.

Yal sồ điện thoại is bè gàr niam rơndăp tăp sèng ờdo ờdă gùng lòt bơh anih lơh broă dà lơgar dê, bơh tơl tiah dê nàng kờñ iăt kơno ală jơnau yal bơh làng bol dê bè broă rơndăp tăp sèng ờdo ờdă gùng lòt tàm dơ̆ ơm rlô; gàr niam gùng dà broă lơh drơng broă jăt bơta pal jăt gùt ngai mang tàm dùl poh nàng iăt kơno jơnau yal, mblàng hơ mờ bơsong di tŭ ală dơ̆ broă gơlik geh...

Cau mblàng Lơ Mu K’Yến