VOV4.K’ho – Mho òr 23/10, ală kuang bàng Quốc hội pơnjat tai lơh broă tàm hìu pơrjum, iat sră yal mờ jơnau yal sền sơ wì bè cồng nha mut lơh kes priă dà lơgar nam 2017; kờp du\ lài tă dia dà lơgar dê, rơndap broă tam pà kes priă dà lơgar nam 2018 mờ rơndap broă priă jền – kes priă dà lơgar 3 nam dà lơgar, bơh nam 2018 tus nam 2020.

Jat sră yal bơh Chính phủ dê, digơlan tă dia dà lơgar dê gùt nam do sơr lèt rlau mờ khà kờp du\ lài rlau 2% (ndrờm 27 rbô 300 tơmàn priă). Khà gơguh uă tă dia uă ngan là tàm ală càr, [òn dờng, tàm tu\ tă dia dà lơgar dê kal ke ngan nàng kờp du\ lài.

Ngai do, ală kuang bàng Quốc hội geh cribơyai tàm mpồl bè cồng nha mut lơh rơndap broă bơtàu tơnguh lơh sa - mpồl bơtiàn mờ kes priă dà lơgar; cribơyai tàm hìu pơrjum bè ờ uă tơngume gam geh jơnau đơs krơi is bơh rơndap Adat Sền gàr mờ bơtàu tơnguh brê (tam gơl).

                                                                Cau cih mờ yal tơnggit K’Duẩn