VOV4.K’ho – Drim òr 18/9, Ủy ban Thường vụ Quốc hội neh iat yal mờ tă pơgồp jơnau đơs bè bàr pe bơta gam geh jơnau đơs ờ ndrờm bal bơh rơndăp lơh Adat tam gơl, bơtơl bàr pe bơta bơh Adat Ală mpồl ai càn priă jền dê. Jơnau kờ` bơh broă tam gơl, bơtơl bàr pe bơta bơh Adat Ală mpồl ai càn priă jền dê là nàng kờ` lơh jat jơnau sồr jal mhar bè lơh gơs tơngume boh lam bè bơsong mpồl ai càn priă jền ờ pràn jak, ờ hềt niam, kơryan mpồl ai càn priă jền ờ pràn jak pa geh tai, bơsong ală bơta kòl yal, ờ suk tàm ală tu\ rơndăp tăp sèng wơl ală mpồl ai càn priă jền.

Ủy ban Thường vụ Quốc hội dùl nùs bal mờ tơngume bè bơnah tam gơl bơh rơndăp lơh Adat dê; ring bal nùs nhơm ờ go\ di ngui kes priă dà lơgar nàng rơndăp tăp sèng wơl ală mpồl ai càn priă jền mơkung ờ go\ di cih tàm adat do ală jơnau cih bè priă dia nàng kờ` ring bal mờ ală kơrnoat boh lam; geh jơnau cih tàm tu\ dilah geh jơnau dờng màng nàng kờ` gàr niam ờdo ờdă dùl ròt den Chính phủ gơtùi geh ală jơnau cih nàng bơsong, pleh gơlơh aniai jơh dùl ròt...

Cau cih mờ yal tơngi\t-Lơ Mu K’ Yến