VOV4.K’ho – Bơh bồ nam tus tu\ do, priă lơh geh bơh tac hờ lơgar ndai phan lơh gơs bơh suơn sre, che brê, phan tàm dà gơmù 1,6% pơn drờm bal tu\ mờ nam lài, geh 5 tơmàn 500 tơlak đôlar Mỹ. Do là jơnau tơnggit geh yal tàm dơ\ pơrjum “ Yal jơnau tơnggit drà kă bro phan lơh gơs bơh suơn sre ờs mờng” bơh Bộ Nông Nghiệp mờ Phát triển Nông thông bơyai lơh ngai òr (01/3) tàm Hà Nội. Jơnau mờ priă geh bơh tac phan hờ lơgar ndai gơmù là gơwèt tàm bơta tam gơl bơh drà kă bro blơi phan lơgar ndai dê mờ ală bơta tam pìt kă bro mờ ală bơta gơlik geh bơh lơh sa dunia dê. Jat đơs lài, drà kă bro phan lơh gơs bơh suơn sre tàm nhai 3, kòi phe tac hờ lơgar ndai digơlan pơn jat tai gơtìp kal ke tài ală drà kă bro dờng bè: Phillipines mờ Indonesia ờ  hềt geh rơndap broă blơi bơh lơgar ndai nam 2019. Ală mpồl lơh sa kă bro pal sơlơ jòi tu\ tơngai [uơn tac hờ lơgar Lo mờ ờ uă drà kă bro ndai tàm tiah châu Phi.