VOV4.K’ho- Bộ Nông nghiệp mờ Phát triển Nông thôn đơs, bulah geh bơta rồn bơklơn uă bơh bơta tàm pơrlòng drà kă bro mờ bơta gơmù uă ngan bè khà priă drà kă bro dunia bơh uă bơta phan chi jo\ nam dê, priă geh bơh tăc phan lơh geh bơh sươn sre mờ lơgar ndai bơh lơgar Việt Nam dê kung gam geh bơta brồ guh pràn ngan, kờp du\ jơh gùt nam 2018 digơlan lơh geh khà uă ngan rlau jơh bơh lài tus tu\ do sơrlèt rlau 40 tơmàn dolar Mỹ.

Khà kờp priă geh bơh tăc phan mờ lơgar ndai lơh geh tàm nam 2018 dê là uă ngan rlau jơh bơh lài tus tu\ do bơh gah lơh broă sa sươn sre lơgar Việt Nam dê, đơs ngan bơngă lơgar pràn bè tăc phan lơh geh bơh sươn sre mờ lơgar ndai tàm dunia (ơm dơ\ 15 mờ neh tăc tus drà kă bro rlau 180 lơgar mờ kơnhoàl ù tiah tàm dunia).

Cồng nha do lơh geh tàm tu\ tơngai drà kă bro dunia nam 2018 geh uă bơta tam gơl, bơta gơguh tai sền gàr bơh ală jơnau sồr bè atbồ bơta niam mờ ờdo ờdă kloh niam phan sa bơh ală lơgar drà kă bro phan lơh geh bơh sươn sre uă bơh Việt Nam dê gơ wèt mờ ală phan bơna lơh geh bơh sươn sre blơi bơh lơgar ndai.

Cau mblàng Lơ Mu K’Yến