VOV4.K’ho- Tac phan tàm dà bơh lơgar Việt Nam dê tus drà kă bro EU 6 nhai bồ nam do geh rlau 486 tơlak dolar Mỹ, gơguh 20%, tàm hơ̆, tac ală bơta phan tàm dà lềng geh 154 tơlak dolar Mỹ, phan ròng mờ tam tàm dà ờs geh 333 tơlak dolar Mỹ. Drà kă bro EU tŭ do là drà kă bro tac hờ lơgar ndai phan tàm dà dờng dơ̆ 4 bơh lơgar Việt Nam dê, tơnơ̆ Mỹ, Nhờk mờ Lo.

Jat Mpồl lơh gơlik mờ tac hờ lơgar ndai phan tàm dà Việt Nam (Vasesp) yal, EU geh rlau 14% khà tac hờ lơgar ndai ka ti bơh Việt Nam dê, ơm dơ̆ 3 tơnơ̆ ală lơgar Mỹ mờ Nhờk. 6 nhai bồ nam, tac hờ lơgar ndai ka ti geh khà uă ngan rlau jơh. Tàm hơ̆, mìng is ka ti jơng kò geh rlau 205 tơlak dolar Mỹ. Tàm mpồl ka ròng, bơdìh mờ ka tra, ală mpồl lơh sa kă bro lơgar Việt Nam kung tơnguh tac hờ lơgar ndai ka dà ờs ndai bè ka chềng, ka kròp dờng mờ priă lơh geh mờr 4 tơlak dolar Mỹ, gơguh rlau 60% pơndrờm mờ bal dùl tŭ nam lài.

Cau mblàng K’Duẩn