VOV4.K’ho- Lơh jat Nghị quyết sồ 19 bơh Dà lơgar dê jàu Đảng mpồl Quốc hội đơng lam broă tam gơl, bơtơl Adat ù tiah nam 2003, mơkung kờp sền, lơh sir ală rơndap lơh adat boh lam geh gơrềng, lơh geh bơnàng jă adat boh lam ai broă lơh jat Nghị quyết mờ sền gròi broă lơh jat tàm gùt lơgar dê, mho ngai 19/8, ồng Vương Đình Huệ- Chủ tịch Quốc hội bal mờ mpồl lơh broă neh geh dơ̆ lơh broă mờ Bộ Tài chính mờ Môi trường.

Chủ tịch Quốc hội ồng Vương Đình Huệ lơh broă mờ Bộ Tài nguyên mờ Môi trường

Đơs pơn dŭt tàm dơ̆ lơh broă, ồng Vương Đình Huệ đơs là, Adat ù tiah là dùl adat geh gơnoar broă tờm tàm ală adat boh lam bè ù tiah dê, dùl tàm ală sră nggal adat boh lam geh bơta kuơ dờng màng ngan, gơrềng uă ngan, bơta kal ke mờ bơta kal ke uă ngan. Chủ tịch Quốc hội đơs ngan, pal pơn jat tai kơlôi sơnơng bơta gơrềng bơh rơndap lơh adat dê, sền dờng màng broă sền sơwì bơta gơrềng dùl bă loh làng, song dơ pă, ờ ndơ̆p mpồn, ală broă pa mờ ờ hềt geh tŭ tơngai kơlôi sơnơng den pal kơrhia ngan. Mờ tàm tŭ iăt, kơno, mblàng yal lơh loh kung pal sùm iăt, kơno uă gah, mơkung pal sac rơ wah mờ lơh loh.

Cau mblàng K’Hạnh