VOV4.K’ho - Pơrjum cri bơyai “Tam gơl pa bơceh pa: Pơgồp bal broă lơh mờ mpồl lơh sa kă bro Việt Nam”, geh sră ƀăo Kinh tế mờ Dự ƀáo bơh Ƀộ Kế hoạch mờ Đầu tư bơyai lơh drim òr (15/12) tàm Hà Nội.

Tàm pơrjum cri bơyai, ală cau jăk chài đơs: Nam 2020, Khà tam gơl pa bơceh lơh lơgar Việt Nam ơm tàm khà 42 tàm 131 lơgar mờ kơnhoàl ù tiah, tam gơl uă ngan tŭ gơguh 10 khà bơh nam 2015 mờ ơm lài ngan mpồl 29 lơgar bal mờ rài lơh sa bal mờ khà priă geh bal. Nam 2021, lơgar Việt Nam săp sèng ơm dơ̆ 44 tơnơ̆ mờ tŭ Mpồl ngui bơta ngăc ngar dunia tơrgùm khà GDP jăt jơnau kờp pa bơh lơgar Việt Nam dê. Bŭ lah neh lơh geh ală cồng nha geh niam ngan, mơya tam gơl pa bơceh lơh lơgar he dê gam uă bơta ờ pràn. Ală kuang bàng đơs là: Mpồl lơh sa kă bro gam ờ tơl jơnau tơngit bè ală broă lơh, ală broă dong kờl bơh Dà lơgar bè tam gơl pa bơceh lơh, den tàng ờ hềt geh ngui bơta niam tơnguh uă ngan ală bơta ƀuơn tàm broă chồl pràn tam gơl pa bơceh lơh.

Cau mblàng Ndong Brawl