VOV4.K’ho- Ngai 21/10, Thứ trưởng Bộ Ngoại giao ồng Nguyễn Quốc Dũng mờ Bộ trưởng Bộ Ngoại giao mờ Lơh broă bal Dunia lơgar Campuchia dê neh drơng lơh bal dơ̆ Tàm lùp chính trị Việt Nam mờ Campuchia dơ̆ 7 jăt broă lơh pờ tơn tàm internet nàng cribơyai bè bơta gĭt gơ̆p đah 2 lơgar, lơh broă bal đah bàr Bộ Ngoại giao mờ ală broă dunia, kơnhoàl ù tiah do sền gròi bal.

Tàm dơ̆ tàm lùp chính trị, bàr gah dùl nùs ring bal pơgồp bal lơh pràn tàm pơgơl kă bro, dong kờl bơtàu tơnguh wơl lơh sa tơnơ̆ tơngai gơbàn kòp dờng; sơlơ lơh broă bal sền gàr dà lơgar, lơngăp lơngai, tơnguh uă cồng nha ătbồ gùng nhàr lơgar, mơkung pơgồp bal niam nàng geh broă lơh bơsong broă sră pơ àr gơrềng tus kơrnoat boh lam ai cau Việt Nam in; pơn jăt tai tơnguh uă cồng nha lơh broă bal tàm ală gah broă lơh kuơmàng ndai, bè bơto bơtê, yal tơngĭt mblàng yal jơnau, niam chài tàp pràn să jan mờ tìp măt lơh quèng bal đah làng bol...

Cau mblàng Lơ Mu K’Yến