VOV4.K’ho- Viện Vệ sinh dịch tễ dà lơgar pa geh kơrnoat tam pà 8 tơlak ding vaccine Vero Cell bơh Công ty Sinopham lơgar Lo dê ai 25 càr, ƀòn dờng tàm gùt lơgar. Do là dơ̆ tam pà vaccine dơ̆ 43 bơh Bộ Y tế dê. Hà Nội là tiah geh tàm pà uă ngan rlau jơh mờ 1 tơlak 359  rơbô ding, tàm kờp jơh khà 8 tơlak ding vaccine Vero Cell dê, ơm dơ̆ 2 là Quảng Ninh mờ 700 rơbô ding. Lạng Sơn, Hải Phòng, Yên Bái mờ ƀòn dờng Hồ Chí Minh, tơl càr, ƀòn dờng geh tam pà 500 rơbô ding. Bắc Ninh 400 rơbô ding; Khánh Hòa, Kiên Giang tơl tiah 300 rơbô ding; ală càr Bắc Giang, Nam Định, Thanh Hóa, Nghệ An, Quảng Trị, Bình Định, Long An, Đồng Tháp, Lâm Đồng, Tây Ninh... geh tam pà tơl càr 200 rơbô ding.

Viện Vệ sinh dịch tễ dà lơgar dan mờ Văn phòng Broă lơh cĭt sơnơm vaccine dà lơgar pơgồp bal nàng jun vaccine ai Văn phòng cĭt sơnơm pờ ơnàng jat ală tiah in. Anih tờm gròi sền kòp tê jê să ală càr, ƀòn dờng bơyai lơh cĭt tơn khà vaccine Vero Cell rcang sơndră kòp Covid-19 geh tam pà tàm hơ̆ geh bal ding dơ̆ 1 mờ ding dơ̆ 2.

Cau mblàng K’Hạnh