VOV4.K’ho-Kơnhoàl Sa Thầy, càr Kontum geh bă brê geh is rlau 88 rbô lồ mờ 4 mpồl cau tờm brê. Ală nam rềp ndo, kơnờm geh dờp bơta dong kờl tơm priă drơng broă sền gàr brê, gơnoar atbồ tiah do mờ ală mpồl cau tờm brê jơh nùs jàu atbồ sền gàr brê ai hìu bơnhă, làng bol [òn lơgar in.

Kơnờm bơh hơ\ mờ jơnau lơh tìs adat brê bơnơm tàm ù tiah kơnhoàl dê gơmù uă ngan. Bal mờ hơ\, nàng dong làng bol bơtàu tơnguh broă lơh broă sa, gơnoar atbồ tiah do mờ ală mpồl cau tờm brê neh lơh bàr pe broă lơh lơh sa tềng hơđơm m[ur chi brê hơ pơrgon lơh geh cồng nha lơh sa uă.

Hìu bơnhă bi A Rứ tàm [òn Bargok, xã Sa Sơn geh Phòng Nông nghiệp mờ Phát triển nông thôn kơnhoàl Sa Thầy dong kờl tam 2 lồ sa nhân phồng tàm  bă ù rềp kềng brê gơ wèt Brê dà lơgar Chư\ Mom Ray. Lơh bal broă do, bơdìh mờ broă jàu ù, jàu brê, hìu bơnhă bi A Rứ gam geh kuang bàng bơto pơlam tơn bơh broă pès khòm tơrgùm ru\ rơm tus dì broă tam, sơngka sền gàr sa nhân. Bi A Rứ, đơs:

“Phòng Nông nghiệp dong kờl ai làng bol in tơl nă cau 2 lồ. Tam plai sa nhân bơh tàm nhai 6 cau pà he in sơntìl. Lài ngan là pès khòm tơrgùm jơh ru\ rơm, tờ bơtô, broă tam, broă chài ơn phơng, broă [ồm sơnơm nhơ\t, lơh kloh niam sươn”.

Tờm sa nhân phồng gơ wèt jơi ca, là tờm chi lơh sơnơm geh ngui tàm Đông y geh bơta kuơ phan bơna uă ngan. Chi tam nam dơ\ 3 den geh ai tơnhàu mờ khà priă tăc tàm drà tu\ do bơh 20 tus 30 rbô đong dùl ki\ plai ris, 120 rbô đong dùl ki\ plai ra`. Bulah ờ hềt geh ai tơnhàu, mơya tờm sa nhân phồng geh sền là gùng dà pa tàm broă dong kờl làng bol bơtàu tơnguh broă lơh broă sa tềng hơđơm m[ur chi brê, pơgồp bơnah lơh geh tai priă jền.

 Sền go\ bơta kuơ bơh broă lơh do dê, tu\ do tàm xã Sa Sơn, kơnhoàl Sa Thầy neh geh 10 hìu làng bol tus bal tam, rề ơnàng bă ù tam uă tờm sa nhân phồng tềng hơđơm m[ur chi brê mờ kờp jơh bă ù là 20 lồ. Ồng Trần Văn Định, Phó Chủ tịch Ủy ban Nhân dân xã Sa Sơn, pà gi\t:

“Nàng lam lơh broă do, den kơnhoàl neh sền gròi dong kờl ai mpồl cau in lòt còp sền broă lơh tu\ do gam lơh broă tam sa nhân phồng tàm ală kơnhoàl, càr gùt dar. Gơ wèt xã bol a` den bol a` neh sền, là broă lơh broă do kờ` uă halà dùl ết den bol he kung pal geh cồng nha ngan ngồn.

Bol a` tus tàm hơ\ bơyai lơh pơrjum làng bol sền rwah kòn bơnus. Cau pal geh bơta jơh nùs, cau pal tơryang tơryồng lơh broă nàng bol he lam lơh broă do, den hơ\ sồng lơh geh cồng nha. Tàm ală tu\ lơh den tus tu\ do, đơs bal là bol a` sền go\ là làng bol kung chờ hờp ngan jơh nùs lơh bal broă do”.

Jat ồng Nguyễn Hữu Thạnh, Phó Chủ tịch Ủy ban Nhân dân kơnhoàl Sa Thầy, kơnhoàl neh rơndăp ù tiah bơtàu tơnguh tơnguh tờm chi lơh sơnơm bơh tu\ do tus nam 2030. Tàm hơ\, mìng is bă ù tam sa nhân phồng là 100 lồ, uă ngan là tam tềng hơđơm m[ur chi brê gơ wèt ală xã rềp nhàr bal mờ tiah kềng brê dà lơgar Chư Mom Ray.

 Bơdìh hơ\ tai geh tam mờ bơtàu tơnguh ală tờm chi bè gấc, rơmi\t, ca mờ ba kích nàng lơh geh uă tai priă jền ai làng bol in. Tềng đap mat là kơnhoàl geh jơh nùs dong kờl làng bol tàm broă tam, rề ơnàng bă ù 20 lồ tam tờm sa nhân phồng. Tu\ geh cồng nha den geh rề ơnàng lơh uă broă lơh do tus tàm ală xã nàng làng bol in bơtàu tơnguh lơh sa kơ\ kơl jăp.

Bal mờ broă tam sa nhân phồng bơh gơnoar atbồ kơnhoàl Sa Thầy dê lơh, lài hơ\ tàm nam lài geh bơta dong kờl bơh Trung tâm dong pơlam kơ\ kơl jăp atbồ phan kuơ geh is mờ bơtàu tơnguh niam chài làng bol [òn lơgar tiah đah jum mat tơngai lik châu Á, làng bol [òn K’bay, xã Hơ Moong, kơnhoàl Sa Thầy kung neh tam tờm chi do mờ bă ù ơnàng 3 lồ.

Bơta geh ngan pà go\, chi kis dờng niam ngan, digơlan tus nam 2018 geh ai tơnhàu. Ồng Đào Xuân Thủy, Phó Kuang atbồ Brê dà lơgar Chư Mom Ray đơs là, broă tam tờm sa nhân phồng tềng hơđơm m[ur chi brê geh cèng wơl uă bơta kuơ. Ồng Đào Xuân Thủy, đơs:

“Bol a` sền do là gùng dà di ngan, niam ngan. Bol a` pơgồp bal niam ngan nàng lơh broă do. Bè jơnau bơh sươn dê den dong làng bol ai ù tiah nàng làng bol in lơh. Dơ\ 2 là bol a` dong kờl cau lơh broă bơh sơnrờp nàng khòm tơrgùm ru\ rơm, ai oh mi tus gròi sền, bơto pơlam bè bơta chài, broă pès khòm tơrgùm ru\ rơm, tam mờ sơngka sền gàr.

 Bè jo\ jòng sươn geh dong kờl priă sền gàr brê pah nam ai làng bol in nàng lơh geh cồng nha uă ngan rlau jơh. Bè jo\ jòng, den bol a` neh lơh broă mờ Kuang đơng lam bồ Ủy ban Nhân dân kơnhoàl, tài bơh bă brê ròng kis wơl bơh Brê dà lơgar dê rềp bal mờ [òn làng bol gam uă ngan.

Den tàng bè bă brê nàng lơh ală broă do, den bol a` gam mờ bol a` geh pơn jat tai pơgồp bal niam bal mờ kơnhoàl nàng bol a` rơcang ală sươn tam dilah geh jơnau kờ` bơh làng bol [òn lơgar dê”.

Bal mờ broă dong kờl jàu ù, jàu brê mờ jàu atbồ sền gàr brê ai hìu bơnhă mờ [òn lơgar in, broă gơnoar atbồ kơnhoàl Sa Thầy mờ ală mpồl cau tờm brê tàm tiah do dong kờl làng bol bơtàu tơnguh broă tam tờm sa nhân phồng tềng hơđơm m[ur chi brê geh pơgồp bơnah tơnguh jơnhoa jơnau gi\t wa\ bơh làng bol dê tàm broă atbồ mờ sền gàr brê.

Cau cih mờ yal tơngi\t- Lơ Mu K’ Yến