VOV4.K’ho- Bal mờ bơta rcăng lài niam ngan, den tàng bulah mờ bơta is rơmis geh uă tiah ơm tàm tiah sar lơgar ngài, tĕ khà tàm ală càr Tây Nguyên kung gam geh lơh sơl bal mờ nùs nhơm bơh ngai chờ dờng dê. Mờ tàm ală tiah ơm yah ngài rơcăng sơndră kòp Covid-19 sơl, anih wàng se kơryan kòp tài bơh gơbàn cau kòp, cau tĕ khà kung gam chờ hờp sơl lơh jăt gơnoar mờ kơnòl làng bol dê.

Dăk Lăk geh khà cau tĕ khà uă ngan rlau jơh Tây Nguyên

Cau tĕ khà Nguyễn Ngọc Liên, ơm tàm tiah wàng se kơryan kòp Covid-19 tàm sơnah ƀòn Tân Thành, ƀòn dờng Buôn Ma Thuột, càr Dăk Lăk đơs: Bulah ơm tàm tiah ơm yah ngài, mơya bol añ kung gam chờ hờp ngan sơl, geh lơh tơl gơnoar broă, kơnòl broă bơh he dê. Bol añ kung kơlôi sơnơng nền nàng rwah geh ală cau ala măt geh tơl nùs nhơm niam, bồ tơngoh jak.

Kờp tus 11 jiơ klo ngai 23/5, tĕ khà tàm Tây Nguyên geh lơh ờdo ờdă ngan mờ ƀươn ƀoài. Uă tiah tàm Tây Nguyên neh geh khà cau tĕ khà lòt pồ uă ngan, bè Lâm Đồng, geh 5 tàm 12 kơnhoàl, ƀòn dờng lơh geh rlau 80% cau tĕ khà lòt tĕ khà. Cát Tiên là kơnhoàl tiah sar tiah ngài ngan rlau jơh geh rlau 90%. Tàm Dăk Lăk, kơnhoàl Cư Kuiñ geh 100% cau tĕ khà lòt pồ.

Cau mblàng Lơ Mu K’Yến